風雲丸

营业中

休息中

今晚上完堂已經十點多，隨便想快速吃個晚飯，沿途經過風雲丸，記得之前食過都唔錯。這裡主打吃魚介沾麵，麵的分量可以選擇200 g，300g，400g ，如果想挑戰大胃王更可以加$45 選800g ，食量正常的女生其實點200g已經夠食。而麵的溫度可以選冷麵或溫麵，冷麵口感會較烟韌，而曖麵會更有麥香味。天氣甘凍，今晚當然要食溫麵。主打的石燒濃厚豚骨魚介沾麵，湯底味道一流，用300度的石鍋盛裝著，熱騰騰上枱，上枱時還在沸騰著！魚味濃郁卻不鯹，加埋濃厚豚骨味，兩者之間味道取得平衡，又唔會搶去大家嘅味道。盤中放有檸檬片，加入湯底後味道會更清新，層次更多。湯底比較厚身，把麵條浸左湯內，很容易便可以掛起湯汁。半肥瘦嘅腩肉燒得很香口，肉質鬆軟溏心蛋煮得恰到好處，蛋白依然嫩滑，蛋黃還是流心的食完麵後，服務員會把剩下來嘅沾麵湯底加入魚介清湯，調薄返湯嘅厚度，飲落又有另一番風味。另外而家只要download佢哋個app登記做會員，就可以$15享有一客餃子。