八月花 (皇室堡)

营业中

休息中

約三五知己聚會都唔一定只有西式選擇，飲茶一盅兩件都可以好chill😌~ 八月花除左有懷舊點心仲融入左唔少特色元素，好吸睛嘅特飲、打卡小點同甜品都可以一一試到，而且位置都相當方便，行完街抖抖傾下計就最適合不過。傳統點心鵪鶉蛋燒賣同煎鮮蝦腐皮卷很有質素，腐皮卷鬆脆蝦肉飽滿，灌湯餃用料豐富，配上花膠瑤柱鮮味十足，龍蝦湯蔥花餅都幾有驚喜，中西合璧估唔到又幾夾，鮮蝦腸粉加左脆脆增添口感非常加分。當然又點少得甜品，雪燕紅豆凍豆腐花冰凍滑溜，芝麻糊火鍋有得玩又可以食，無論大人定小朋友都鍾意😛。除左飲茶外，仲可以試試佢哋嘅特飲，草莓冷泡龍井加入茶嘅元素，草莓微甜清新，龍井味道較為突出，玫瑰石榴梳打就最適合炎炎夏日，石榴香濃加上梳打非常消暑解膩。