潮州菜x 點心
▫️茶位$16/位，比較貴，而且啲茶都好普通，都係普洱香片嗰啲
▫️前菜$16- 都算大碟，係辣味嘅青瓜、雲耳、豆卜，開胃好食，抵比過茶錢
🆗蟹籽燒賣王-$38
一籠有四粒，有d粉，唔算好彈牙，味道正常。
🆗糖醋黃金煎伊麵-$128
個面睇落都靚，切開咗八件，但其實煎得唔係太脆，入面都係，另外糖同醋冇碟比我地裝住點，只可以就咁倒落去。
☑️椒鹽九肚魚-$138
新鮮炸起，熱辣辣，外皮好脆，魚肉都滑，冇骨，鹹香十足，幾好食
☑️鮮蝦腐皮卷-$38
同樣炸得好脆，三條剪開咗六件，調味唔錯，除咗有彈牙嘅蝦膠，仲有芹菜芫荽等香料。
