順譽滷味大王

营业中

休息中

土瓜灣朋友帶咗我嚟呢間潮州打冷滷味店食晚餐🤣小店雖然細細間提供大眾化菜式，但係食物水準高好味道，老闆好有禮貌仲招呼好好👍$148「馬友」：「潮汕打冷馬友魚」一邊魚皮打開咗食得好方便，「馬友」魚肉肉質相當細滑鮮甜，沾有鹹鮮味嘅「普寧豆瓣醬」食就更加好食😋$52「方魚肉碎粥1碗」：大大碗熱辣辣，好味道🤣$98「墨魚」：墨魚新鮮，非常爽口，切成一條條嘅薄片食得好方便🤣$85「鹽焗雞半隻」：「鹽焗雞」皮黃肉白非常有鹹鮮味亦都好雞味，半隻雞份量算係幾多🤩$68「春菜炆腩仔」：春菜煮得好腍，腩仔7成瘦肉3成脂肪 夠甘香，整體好食🤣$8「無糖可樂」：凍冰冰嘅可樂就梗係好飲啦 🤣小店值得支持👍