聯發茶餐廳

营业中

休息中

夜晚七點鐘入到嗰間餐廳，見肚餓即刻落單，叫咗兩個煲仔飯（臘腸排骨、鮮牛肉臘腸），等到八點鐘都冇得食，其他遲入嚟嘅枱就食緊，跟住問侍應點解，佢話煲咗嗰啲北菇雞飯先。我就反問佢都係用個爐嚟煲啫，點解要煲咗煲仔北菇雞飯先。好明顯係漏咗單，漏咗單仲多多解釋，對唔住都冇句，侍應個個都口黑黑面。我老婆因為驚佢加料，所以唔等，我哋即刻買單走咗。今時今日嘅服務態度，唔怪得知咁多人北上食飯，所以香港乜嘢夜繽紛都死啦！補充一句，依間咁嘅茶餐廳一啲都唔平，飲咗一杯凍檸樂都要收32蚊，仲要咁嘅服務態度，希望佢早啲執笠。