聯發茶餐廳

营业中

休息中

聯發茶餐廳炭燒叉燒煎蛋飯炭燒叉燒煎蛋飯賣相吸引，叉燒油亮焦香，邊位微脆，肉質鬆化，蜜糖甜度剛好，帶炭烤香氣。太陽蛋煎得完美，蛋黃流心，撈飯一流。豉油唔會過鹹，提鮮又唔搶味。叉燒半肥瘦，入口甘香，配埋熱辣白飯，簡單但滿足。整體鑊氣足，份量夠，食完唔口乾！

平日的晚上在九龍城搵食，相比假期，人流非常少，大部分餐廳都不用等位，突然想起久違了的聯發，即刻放低cafe呢個念頭，轉移有質素的茶記2大1小叫了3個晚餐加一份西多士，不平民的首先是衛生情況，以茶記相比，算係乾淨，所有餐具都係乾身既，並唔會跟埋洗碗水比你用第一碟可以話係呢間餐廳的top one, 滑蛋叉燒飯，平平無奇嘅菜式可以做到招牌菜實在唔簡單，滑蛋係真嘅滑，而叉燒亦高質，加埋洋蔥的香味，難怪做到招牌菜，不平民之第二點又黎喇，佢嘅豉油汁係分開上嘅，唔係一般茶餐廳會做到的第二碟係蔥油雞扒撈公仔麵，呢一碟喺點餐嘅時候已經搵到不平民之處，因為小朋友唔食蔥油嘅關係，叫餐時我們提出走蔥油，店員立即提醒我們，若走蔥油的話味道會較失色，並建議可令上蔥油，店員的服務態度非常讚呀而味道方面，就不過不失啦，雞扒一般，而公仔麵都應該很難做得難食第三碟係原個蕃茄滑蛋牛肉飯，點會諗到茶餐廳都會攪啲咁Gimmick 的舉動，你話係咪不平民呢？ 呢個蕃茄亦大大另賣相生色不少這個蕃茄牛肉飯的味道係傳統嘅味道，有久違了的感覺，甜甜酸酸的蕃茄醬汁加埋滑蛋撈飯，唔經唔覺就食左兩碗飯雖然已經好飽啦，但一場嚟到，都要食埋個甜品

#聯發茶餐廳 😋😋😋ppl say its the brother store from the australia diary resto. 澳牛， the very famous in tst.hmmmm. i think yes, their fried egg taste similar.but they seveve more food.but.the portion is small.price is expensive.but overall taste is ok. especially eggprobably will come back.ig: thunder5dicks#food #hkfood #hongkongfood #台灣美食 #ukfood #ausfood #馬保國 #香港美食 #thunder5dicks #閃電五連鞭

那天和朋友一起惠顧早餐。在門口已經等了一斷時間，到坐位點餐開始後，邊食就問你食完未飲完未，務求趕客，但門口沒有人等位。當食完後，其中一位服務員未食完馬上收走所有嘢。另外一位半鹹淡廣東話，令一個阿姐見枱面無嘢就以為你新到，不經大腦就走來同來講，未齊人唔可以坐喺度等人，需唔需要咁樣嘅服務咁樣趕客，在座所有客人都覺得無理取鬧，牛奶公司服務態度。其實都已經冇特意去，因為食物都唔係平過人，服務差個人。今時今日咁嘅服務態度作為香港人都係羞恥！

今天跑完步經過見到有間餐廳排哂隊，就決定入去試吓個早餐，果然唔錯！我叫咗份早餐，包括*多士*、*煎蛋*同多士好香脆，外脆內軟，煎蛋，蛋黃香滑，非常美味，餐肉麵都唔錯，飲品叫咗杯奶茶，香濃順滑，好滿足。成份早餐食得飽，環境一般。整體嚟講，呢次早餐經歷真係幾好，餐廳服務態度亦都唔錯。如果你跑完步🏃或者途經呢度，不妨嚟試吓呢間餐廳嘅早餐，真係值得一試.

呢間餐廳真係名過於實，感覺好似賣緊情懷多過賣質素。首先，炒蛋完全唔滑，入口嘅口感粗糙，完全冇茶餐廳應該有嘅奶滑香味，甚至好似火候控制得唔好，炒到有啲乾柴。再講到凍檸茶，我明明特登嗌少冰，但上枱嘅時候啲冰依然多到滿杯，茶味又淡，檸檬味都唔夠，成杯嘢完全冇誠意。至於熱奶茶更加離譜，一上枱就已經杰撻撻，茶味唔濃，奶味又無層次，好似隨便沖一杯應付客人咁，真係失望。價錢方面更加誇張。一碗普通嘅麵，加兩塊毫無特別嘅方包，竟然要差唔多$70，性價比極低。啲麵冇乜湯底香味，配料又少，成碗嘢食完都唔覺得飽。諗住叫個櫻花蝦炒飯補返數，點知更加失望。餐牌上面張相睇落好精緻，米飯粒粒分明，蝦仁鋪滿，結果實物得三粒蝦仁，全部都係菜同埋炒飯，完全唔值$80。炒飯冇咩蝦味，調味平平無奇，根本就係普通炒飯，遠遠未達到佢嘅價錢標準。整體嚟講，呢間餐廳嘅食物質素同價錢完全唔成正比，感覺好似淨係靠靚相吸引客人。打卡係可以，但如果你想食返啲誠意之作，呢度就絕對唔值得嚟。呢次體驗真係差到極點，又貴又唔好食，完全唔會再回頭。

1.）叉燒雞扒飯$78，叉燒只係一舊染咗好紅色同用咗好多糖搽係面嘅煲完湯瘦肉，無味，又乾，又硬！ 雞扒又乾又鞋，返叮柴皮！2）粟米肉粒飯 $78，肯定大x樂同大x活，好食好多！ 個汁都可以做到淡而無味，d肉係鞋！ 3) 餐蛋治 $30，最正常！一定無下次😡

以前個叉燒好好味，雞又好食，加埋蔥油，好掛住阿！！！每次都會叫叉燒雞飯😞近好幾次食，真係堅難食，叉燒冇味，係勁普通果種，雞都係，好似返熱咁，一d香味都冇，俾左好幾次機會再試，心灰了，不會再幫襯😔😔😔

1330去到，得兩張枱，心諗可能因為落雨關係，叫左一個义燒太陽旦飯，一個櫻花蝦鮮蝦炒飯，义旦飯义燒好乾，鼓油太咸，最難頂係個垃圾炒飯，白飯落啲茶芯粒去，連旦都唔落去炒，炒完先放蝦上去，仲衰過茶餐廳啲楊州炒飯，卒之明白lunch hour 點解得兩個客。我當時諗住同職員反映一下，點知個老細隨即行過嚟話我哋啲炒飯係咁嘅，你唔鍾意食就由佢，佢嘅行為令到我更加認定我曾經嘅飯堂已經風光不在，亦令到我去九龍城食飯又少一個選擇。

這裡的蛋三明治非常美味,它的炒蛋真的一試難忘。 這次我點了早餐,吃了一個午餐肉公仔麵(出前一丁)。我覺得他的公仔麵做得剛剛好, 到餐桌上還是很爽口的。如果你想添加更多的香腸或添加一塊額外的肉,你需要添加10元。加上冷飲費用50元。

每次放假大多數我同男朋友都鍾意去食茶餐廳，今次去左九龍城一間茶餐廳，因為突然之間心血來潮，好想食沙嗲牛肉出前一丁，需要搵到呢間茶餐廳咁啱又開，平時食開嗰間樂園冇開，所以試吓新嘢。我同男朋友都叫咗沙嗲牛肉出前一丁配多士炒蛋火腿🩷🩷🩷🩷 整體嚟講個沙嗲牛肉食得出係比較新鮮嘅牛肉，佢唔會煮得太過老，不過佢個沙嗲汁就冇咁出，比較淡味，要加埋佢枱上個辣油可以帶得出個牛肉味👍🏻。滑蛋整得都唔錯，夠滑唔會太老。同埋個多士幾厚身脆卜卜，不過我個人鍾意食多士嘅時候加啲砂糖落去，甜甜地好過癮🤓✌🏻個火腿就不過不失，不過當日去到要排隊，排咗幾個字。下次如果經過嘅話都可以值得一試。👍🏻值得一提佢個凍檸茶都整得10分夠濃味，果然茶餐廳嗰啲檸檬茶真係間間都好夠味👍🏻👍🏻茶記必嗌五個心心為最高分聯發茶餐廳 (九龍城)九龍城侯王道2-4號地下1號舖

今日早上經過九龍城，知道附近有一間出名嘅早餐店，特登過嚟試吓！睇吓同澳洲牛奶公司係咪一樣質素先！點知去到已經大排長龍，我諗質素返都有返咁上下！不過佢哋輪轉得好快，所以好快就輪到我！當然嚟到一定食早餐啦！價錢唔平！希望質素都好啦！嗌咗個餐肉公仔麵，配炒蛋多士，叫埋杯熱奶茶！唔使2分鐘，公仔麵就到咗啦！啲麵仲生生地，餐肉就應該係啱啱煎起，不過只有薄薄的一舊，有少少唔係好夠喉！公仔麵嘅湯底係傳統嘅湯底，講返個炒蛋多士先，炒蛋係唔錯！好有蛋味，而且好濕潤，好明顯係啱啱炒起！多士都係厚硬適中，烘左底，外脆內軟，真係唔錯！裏面亦都查咗啲牛油！配埋炒蛋真係一絕！到個杯奶茶啦，奶茶嘅茶底幾有茶味，係我杯茶！整體係一個非常合格有餘的早餐！如果價錢平番少少，就更加好啦！

又話碗有碟話碟, 奶茶好滑, 茶及奶比例一流, 湯粉個湯就好咸, 整體食物質素及味道有點似澳牛, 而服務態度就比澳牛更差, 至少澳牛落單唔會"西面"！今次是初嘗聯發, 當時都冇乜嘢人, 得兩枱人, 我一坐低叫了一聲"唔該"希望點餐, 女待應(稍微胖, 冇戴口罩的一個, 人客埋單會去收錢)當時剛好在我前走過, 在轉身期間比我見倒佢"西面"兼戚嘴, 比我感覺係麻煩咗佢要轉身！行到埋我張枱, 木無表情, 就咁企響度, 連問句食乜嘢都冇。食完後, 我叫另一個女待應落單兩杯凍奶茶外賣, 由于要揸車, 並表明比錢要一個膠袋打包奶茶, 哩個戴口罩女待應後來就攞咗個膠袋放咗響枱面, 幾分鐘後, 西面女待應就已經打包咗兩杯外賣奶茶放響我枱面, 跟手二話不説, 大力扯走已經放響枱個膠袋。嘩！亞嬋, 我欠你好多錢嗎？怪不得咁多人比上食嘢, 香港真仲有冇得救呀？

老老實實，我今日下午三點路過見天突然好黑，就腳就衝入去填肚啦，入到去間野得十張枱左右，好 Up Dup 又迫都算，一坐低望下餐牌，我心「嘩」左一聲出黎乜茶餐廳野食都無，學澳牛剩係賣幾款野食常餐係一個包、兩塊火腿、一份炒蛋，跟餐飲 $40，再望落去見到茶餐都係多叉燒湯意 $66，我心諗你 D 叉燒食左識飛定食左後生幾年？結果平平地食左個常餐算數，貴到一個點咪又茶餐廳味道，仲貴過紅茶、太興、翠華，銀龍，但人地有裝修有服務你無囉！唔怪之得私人開嘅做做下會執笠，呢 D 價錢我唔係無錢食，係覺得咁迫嘅環境食呢 D 野我覺得唔值囉！食完走之後發現隔離條街果間 x 星仲貴，午餐要 $80，我覺得佢地開個價係因為附近無乜選擇，隔離街間間都好似合謀定價咁，間間都咁貴，九龍城食野貴過油尖旺，真係第一次見識

招牌叉燒飯-九龍城聯發茶餐廳Weekend 去九龍城，見到呢間茶餐廳門口已經有條人龍，見呢間叉燒位比較出名，就排隊試吓啦😗等左7分鐘左右，就有位啦Order 左一個炭火叉燒飯同埋沙嗲牛肉麵，炭火叉燒幾淋，配上滑蛋味道更加香濃，不過我就鍾意燶邊嘅叉燒多啲🤣🤣個人覺得炭火味就唔係好夠另外叫咗個沙嗲牛肉麵，沙嗲味好香濃，有少少花生味😗仲有個出前一丁好特別，係日本版，蛋味好重㗎，好少地方食到🤪