影片
更多
2018-03-09
132 浏览
今日係東涌outlet行完街之後，超級肚餓。喺東薈城度即刻搵嘢食，去到地下果層見到有中菜，呢間餐廳叫滿樂潮州屋企人即刻話要入去食。食完有幾款菜式特別想推介俾大家，因為真係超級有水準。餐廳裝潢好有中國feel，空間亦都好大，多人嘅話仲可以坐包廂添。我哋去嘅時候係六點幾，都已經好滿座。首先我哋叫咗個湯—杏汁白肺湯，顏色好白。本人本身唔太鍾意杏仁嘅味道，但係呢個湯我都鍾意飲。因為佢嘅杏仁味唔會太重，味道好鮮甜。湯渣亦都好足料，有豬肺、豬腸仲有蓮藕添！豬肺仲好林同好滑，蓮藕亦都唔會好硬。不得不提，仲有呢個紅棗烏豆豬尾煲！本人係連豬手都比較少食，但屋企人叫到就即管試下。點知一試愛上！豬尾竟然都有好多肉，唔會太肥。份量亦都好多添，呢個餸嘅汁簡直好呢可以當湯飲。仲有呢個瑤柱蛋白炒飯，平時出面嘅瑤柱一定會俾得好少，但係滿樂潮州好足料，啲瑤柱仲卜卜脆添！飯亦都軟硬度適中，粒粒分明，今日忍唔住食咗好多飯！最後仲有個杏汁桂花糕作結，好食到超想再encore!!呢間餐廳真係值得推介，非常適合一家大細食團年飯、生日飯......屋企人都話下次要再嚟食！
去到地下果層見到有中菜，呢間餐廳叫滿樂潮州屋企人即刻話要入去食。
食完有幾款菜式特別想推介俾大家，因為真係超級有水準。
餐廳裝潢好有中國feel，空間亦都好大，多人嘅話仲可以坐包廂添。
我哋去嘅時候係六點幾，都已經好滿座。
首先我哋叫咗個湯—杏汁白肺湯，顏色好白。
本人本身唔太鍾意杏仁嘅味道，但係呢個湯我都鍾意飲。
因為佢嘅杏仁味唔會太重，味道好鮮甜。
湯渣亦都好足料，有豬肺、豬腸仲有蓮藕添！
豬肺仲好林同好滑，蓮藕亦都唔會好硬。
不得不提，仲有呢個紅棗烏豆豬尾煲！
本人係連豬手都比較少食，但屋企人叫到就即管試下。點知一試愛上！
豬尾竟然都有好多肉，唔會太肥。
份量亦都好多添，呢個餸嘅汁簡直好呢可以當湯飲。
仲有呢個瑤柱蛋白炒飯，平時出面嘅瑤柱一定會俾得好少，
但係滿樂潮州好足料，啲瑤柱仲卜卜脆添！
飯亦都軟硬度適中，粒粒分明，今日忍唔住食咗好多飯！
最後仲有個杏汁桂花糕作結，好食到超想再encore!!
呢間餐廳真係值得推介，非常適合一家大細食團年飯、生日飯......
屋企人都話下次要再嚟食！
张贴
