影片
更多
2018-03-09
127 浏览
有一日同同事喺東涌開完會，收工已經係八點鐘，真係非常之肚餓，情度係好想立即食野嗰種，見到有間潮州菜館非常大間座位幾闊落，大家就唔諗啦，坐低叫野啦。四人套餐最啱有選擇困難症既懶人，即係我呢類，睇睇內容嘢食都幾豐富，由冷盤，湯去到小食都有齊晒。間餐廳嘅冷盤就係鹽焗黃油烏魚，魚身偏肥有黃油，味道比較上淡口有鹽香，建議點上菜色附上嘅醬汁一齊食，醬汁嘅黃豆味同個魚幾夾。至於小食方面就有皇子乳鴿凱撒沙律同黃金炸雙棗，老實講呢個乳鴿食落口感覺上比較重口味同肥美，肉汁有好香既五香粉同八角嘅香味，所以就有凱撒沙律做返個平衡，果然係新派嘅潮州菜會因應客人係配菜上作出貼心嘅調整，炸雙棗就係傳統客家小食用上魚肉同埋蝦肉，食落去口感幾彈牙，我就幾鍾意蝦肉因爲中間有一點點蝦肉幾足料。湯水方面就有潮州菜必定要飲嘅胡椒豬肚湯，同平日飲開既唔同胡椒味唔係太重，反而瘦肉嘅比例比較多，湯水上瘦肉比較多就代表個湯會比較甜，所以同平日飲開嘅胡椒豬肚湯果個又咸又辣既味道上好唔同，偏向比較似廣東人嘅湯水，有兩位唔鍾意胡椒味嘅同事都話好潤好好飲。飽肚嘅主菜就有手打魚蛋津菜煲同欖菜肉醉炒飯，我個人就覺得個炒飯比較上重口味，個攬菜偏咸食
有一日同同事喺東涌開完會，收工已經係八點鐘，真係非常之肚餓，情度係好想立即食野嗰種，見到有間潮州菜館非常大間座位幾闊落，大家就唔諗啦，坐低叫野啦。
四人套餐最啱有選擇困難症既懶人，即係我呢類，睇睇內容嘢食都幾豐富，由冷盤，湯去到小食都有齊晒。
間餐廳嘅冷盤就係鹽焗黃油烏魚，魚身偏肥有黃油，味道比較上淡口有鹽香，建議點上菜色附上嘅醬汁一齊食，醬汁嘅黃豆味同個魚幾夾。
至於小食方面就有皇子乳鴿凱撒沙律同黃金炸雙棗，老實講呢個乳鴿食落口感覺上比較重口味同肥美，肉汁有好香既五香粉同八角嘅香味，
所以就有凱撒沙律做返個平衡，果然係新派嘅潮州菜會因應客人係配菜上作出貼心嘅調整，炸雙棗就係傳統客家小食用上魚肉同埋蝦肉，食落去口感幾彈牙，我就幾鍾意蝦肉因爲中間有一點點蝦肉幾足料。
湯水方面就有潮州菜必定要飲嘅胡椒豬肚湯，同平日飲開既唔同胡椒味唔係太重，反而瘦肉嘅比例比較多，湯水上瘦肉比較多就代表個湯會比較甜，所以同平日飲開嘅胡椒豬肚湯果個又咸又辣既味道上好唔同，偏向比較似廣東人嘅湯水，有兩位唔鍾意胡椒味嘅同事都話好潤好好飲。
飽肚嘅主菜就有手打魚蛋津菜煲同欖菜肉醉炒飯，我個人就覺得個炒飯比較上重口味，個攬菜偏咸食落有咬口，所以表面就包着一層蛋皮，用蛋皮包住食成件事就啱啱好，
手打魚蛋津菜煲個湯頭好甜，菜索左魚湯既味道真係不得了，個潮州魚蛋冇得輸，彈牙仲要有魚味，絕對係新鮮打嘅魚蛋唔會係雪藏貨，你一定會食得出！
冇諗過喺東涌呢啲比較上偏遠嘅地方都會出現有質素既潮州菜館，仲要係新潮州菜對於菜式嘅味道上會有革新同調整，相信對鍾意食潮州菜嘅朋友應該會有一番新嘅體驗。
张贴
