影片
更多
2025-02-23
378 浏览
上一次同朋友經過佐敦，見到呢一間佈置得好似森林嘅尼泊爾餐廳，就決定左下次再同朋友嚟。舖頭都算開放式，亦幾有氣氛。第一次食尼泊爾菜，所以問咗店員做推薦，最後揀咗以下幾款食物：Panipuri 蟹料醬酥炸球（$68）我覺得呢款係幾特別嘅開胃菜，酥炸球好脆，咬落去會「咔」一聲，入面嘅蟹肉醬又香又濃，帶住微辣嘅香料味，仲有洋蔥薯仔豬肉等配料，幾豐富。中間個茶壺裝住一啲少少酸嘅汁，加一啲落去又去另一個食法🫰Momo 尼泊爾餃子（蒸）（$88）外型好似小籠包😆咬落去啲豬肉餡鮮嫩多汁，加埋醬汁層次就豐富啲，我自己就唔覺得好辣嘅，不過就咁食都冇問題。整體冇乜香料味～‘The Jungle’ Tacos 墨西哥卷（美國西南風味雞）（$128）味道層次豐富，我同朋友都鍾意呢一個墨西哥卷嘅外皮，同啲配料比較夾👍🏻 雞肉好嫩，有少少辣，香料味濃得黎又唔會搶味，配埋番茄、莎莎醬，牛油果醬，絕對唔膩。我鍾意佢個莎莎醬同牛油果醬，好清新同埋好香奶味☺️Chowmein 炒麵配豬肉（$88）呢款尼泊爾炒麵睇落就好似我細個老竇炒嘅油麵！😝 雖然好似平平無奇，但一試就知好足料同埋麵條炒得啱啱好，唔會太油膩，豬肉炒得好香，外
Panipuri 蟹料醬酥炸球（$68）
我覺得呢款係幾特別嘅開胃菜，酥炸球好脆，咬落去會「咔」一聲，入面嘅蟹肉醬又香又濃，帶住微辣嘅香料味，仲有洋蔥薯仔豬肉等配料，幾豐富。中間個茶壺裝住一啲少少酸嘅汁，加一啲落去又去另一個食法🫰
Momo 尼泊爾餃子（蒸）（$88）
外型好似小籠包😆咬落去啲豬肉餡鮮嫩多汁，加埋醬汁層次就豐富啲，我自己就唔覺得好辣嘅，不過就咁食都冇問題。整體冇乜香料味～
‘The Jungle’ Tacos 墨西哥卷（美國西南風味雞）（$128）
味道層次豐富，我同朋友都鍾意呢一個墨西哥卷嘅外皮，同啲配料比較夾👍🏻 雞肉好嫩，有少少辣，香料味濃得黎又唔會搶味，配埋番茄、莎莎醬，牛油果醬，絕對唔膩。我鍾意佢個莎莎醬同牛油果醬，好清新同埋好香奶味☺️
Chowmein 炒麵配豬肉（$88）
呢款尼泊爾炒麵睇落就好似我細個老竇炒嘅油麵！😝 雖然好似平平無奇，但一試就知好足料同埋麵條炒得啱啱好，唔會太油膩，豬肉炒得好香，外層硬硬地幾有咬口，加埋啲爽口蔬菜，成個口感好舒服。醬料另上，方便你自由決定加幾多🤩
甜品：Kheer 尼泊爾米布丁（$68）
呢個布丁上菜嗰陣時，我哋仲笑言好似麻婆豆腐🤣🤣🤣 布丁食落幾香滑同特別，唔會甜，豆蔻幾好咬，不過，有啲香料嘅味道食落就唔係好啱我哋口味🙈 間中會食到好似花椒定八角嘅東西，呢個我哋估唔到，有興趣嘅可以試吓😆😆
飲品
Healthy Yak（$48）
我哋叫咗兩杯Mocktails，呢杯幾清新，Yakult 嘅酸味配埋藍莓同檸檬嘅香氣，仲有啲生薑汽水嘅微微刺激感，飲落好解膩，食完重口味嘅菜之後飲真係perfect～
Mixed Berries Smoothie（$58）
呢杯Smoothie好creamy，酸酸甜甜嘅莓果味，加埋乳酪同奶，口感又滑又香，仲有啲杏仁碎增加口感層次，都幾唔錯
結論
🫰尼泊爾&墨西哥風味同港人口味融合得好自然
🫰應該冇限時（？），我哋都坐咗好耐，不過冇人趕我哋走🙈
🫰店員友善，願意推薦食物同埋教我地食法👍🏻
好味度：8.5/10
🎡餐廳資料
餐廳名稱：The Jungle
餐廳地址：佐敦廟街273-275號寶發大廈地下3號舖
營業時間：星期一至日 12:00-00:00
张贴
