生昌潮州海鮮酒家

营业中

休息中

同事坐月放監 去佢附近打個冷。生昌都幾出名 又方便朋友 所以首度嘗試。打冷 滷水鵝片梗係唔少得。但有點失望 鵝肉都算嫩 但略嫌咸左d 唔算好香而且太肥 唔係我杯茶。墨魚拼鵝腸～墨魚和鵝腸都是一樣 好硬好un. 反而鋪底既豆腐算幾入味。整體來說 滷水係令人失望的。椒鹽鮮魷反而做得幾好 新鮮 魷魚爽口 炸粉唔會太厚 好惹味。豉椒炒蜆都不錯 冇沙。蜆肉幾肥美 炒得幾有鑊氣。另外再叫左個椒絲腐乳通菜 都不俗 炒得香口 菜又新鮮。總括來說 小炒好食過滷水。