旺記冰室 (九龍中心大廈)

营业中

休息中

今日同阿妹咁啱去尖沙嘴攞嘢，就決定一試久仰大名嘅旺記冰室。一入到餐廳，職員就即刻幫我地量度體溫，然後入座。Menu樣樣都超豐富咁旺記冰室最出名係滑蛋，每款午餐都配有滑蛋。我地兩個都想食飯，所以就嗌咗自家製叉燒日本滑蛋飯同日本滑蛋叉燒蝦仁雙拼飯。等咗無耐就好快有得食！果然足料！滑蛋叉燒同蝦仁都覆蓋成個飯。啖啖都食到滑蛋同餸，滑蛋果然係滑浖浖，熟度啱啱好，全塊蛋都好滑好均勻。叉燒又係肥瘦剛好，唔會食到好柴或者得肥膏嘅叉燒。蝦仁都好大隻，肉質爽脆，絕對係高質茶記享受。豉油量唔錯，唔會好似水浸咁，但又唔會太乾。（但個人係食汁狂魔，如果多少少豉油就perfect🤣)阿妹食嘅叉燒滑蛋飯一樣正！加$4試嘅鮮薑汁奶茶好香薑汁味🥰，但飲落又唔會太搶奶茶味。鍾意飲薑汁嘅可以一試。