旺記冰室 (九龍中心大廈)

【油尖旺區】【旺記冰室】之前曾經經過亞士厘道見到呢間旺記冰室勁多人排隊，係嗰啲排隊店嚟。不過大家都知我係唔會排隊食嘢嘅人，所以嗰次我係完全冇理佢嘅。然而我一直都有將呢件事擺喺心度，到又經過見到佢哋冇人排隊，仲有位，二話不說就入咗去坐低，用 QR Code 叫嘢食。叫咗 $52 嘅「晚6」，雖然話就話係晚餐，但係其實好似常餐咁，主食係「鮮忌廉雞湯鮑魚火腿絲通粉」，幾有早餐 feel，味道都係一般啦，係個湯底幾香忌廉雞湯味，感覺有落過工夫落去。配菜係「鮮牛油麥包厚多士」同「炒日本滑蛋」，係得後者正常啲。餐飲我飲「熱奶茶」，奶落得比較重，所以係順滑嘅。本身奶油豬有得跟餐加錢轉，但係而家冇。咁我就咁直接叫 $32 嘅「全日奶油豬仔包餐」就可以食到，仲要叫佢多煉奶。食落都 okay 嘅，正正常常。餐飲要「零度可樂」直接拎走，埋單就 $84 走人。。。（地址：尖沙咀亞士厘道29-39號九龍中心大廈地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺區 #尖東 #尖沙咀 #旺記冰室 #鮮忌廉雞湯鮑魚火腿絲通粉 #鮮牛油麥包厚多士 #炒日本滑蛋 #熱奶茶 #全日奶油豬仔包餐 #零度可樂 #1am1820 #1ambackup…查看更多

見到有人網上介紹講左好耐，終於咁岩經過可以去試下食完發現又係廣告…..目標係遊客既餐廳…..全部統一用普通話講野….叫左一個叉燒蛋飯同蝦仁炒蛋都好普通….叉燒好簿，冇口感，又瘦…老老實實你午市先賣得幾味野…收咁既價錢都唔俾少少誠意想專登去試既可以慳番….第一次見冰室咁少選擇….午市淨係得3個飯揀…..同埋通份…見到隔離左右都食到黑哂面唔叫又唔得 佢有最低消費 中哂伏佢既選擇真係好似人地d 拉麵店得幾個選擇…查看更多

旺記冰室真係我心頭好，但佢間間分店幾乎都係要排隊。今次係下午茶時段去，前面兩張枱都好快輪到我哋。我每次去都要叫返個常餐——鮮忌廉雞湯鮑魚火腿絲通粉配炒蛋多士，簡直係港式comfort food代表，下午茶比午餐平十蚊左右，正！味道方面，通粉個雞湯夠濃，仲可以揀通粉想爽啲定腍啲，我就鍾意佢爽啲，嚟到又真係冇煮到腍晒，啱啱好；炒蛋夠滑，夾埋多士一齊食真係冇得輸，重點係個多士烘到好脆～另一份叫咗邪惡朱古力煉奶一口西多士，真係視覺同味覺雙重衝擊！多士疊起成座山咁，淋上朱古力加煉奶，睇見都流口水，食落就真係誇啦啦，鍾意食甜嘅就啱啦！不過西多士冇餡就有啲可惜，如果入面有花生醬，邪惡程度即刻升級！配埋杯鴛鴦，甜中帶苦，平衡晒個味，食完真係有種罪惡但滿足嘅快感～…查看更多

呢間嘢聽講係一家網紅店，所以見到好多遊客，平時翻工見到太多人所以冇入去食。今日我見少好多人，馬上跟朋友去試試叉燒滑蛋飯，d蛋好滑，可能係落咗牛奶關係。味道幾好，下次再試試其他款式。…查看更多

今日有個內地朋友嚟香港，咁我喺尖沙咀放工之後就約咗佢食飯。去到嘅時候，勁多遊客排隊。我見餐牌就推薦一個王牌嘅叉燒蛋飯。咁我就點咗。我朋友就點另一個有蝦嘅飯。雞蛋很滑，米飯很軟糯，味道適合我😄。…查看更多

最近試了一款免治牛肉蛋治，味道真是令人驚艷！首先，免治牛肉的質感非常細膩，調味恰到好處，帶有一點點黑胡椒的香氣和淡淡的鹹鮮味，完全不會覺得油膩。牛肉煎得剛剛好，保持了多汁的口感，吃起來很有滿足感。搭配的蛋治部分更是亮點，蛋香濃郁，煎得金黃鬆軟，和牛肉的濃烈風味形成完美平衡。麵包選用的是微脆的吐司，烤過後邊緣帶點焦香，咬下去時那種「喀滋」的聲音特別療癒。整體組合起來，口感層次豐富，既有牛肉的扎实，又有蛋治的柔嫩，再加上吐司的酥脆，真的是一口接一口停不下來。如果再配上一杯熱茶或咖啡，早餐或下午茶的幸福感直接爆棚！唯一的建議是，如果醬汁能再多一點變化，比如加點酸甜的番茄醬或微辣的醬料，可能會更添風味。不過即使現在這樣，已經是個很棒的享受了。推薦給愛好簡單卻美味餐點的朋友們，下次有機會一定要試試！…查看更多

蝦仁叉燒滑蛋飯太好吃了😋我是不愛叉燒的人，但呢個叉燒一點都不會過甜太膩🍤蝦仁也大顆飽滿緊實 滑蛋就更不用説了🥚最驚喜的是米飯是粒粒分明的長條米🌾🍚吃佐大半碗！…查看更多

超級難食，乾爭爭又貴又唔抵，完全諗唔明點解咁多人排隊喺度食食完出嚟仲要勁多大陸人喺度排隊，之前食過個叉燒飯都係好難食，諗住試吓三文治好好食，點知都係好難食，，，，…查看更多

好彩假日來都唔係等左好耐十五分鐘左右就有位抄蛋好出色好滑 蛋味就小左d奶茶就一般 叫左小甜但都仲係好甜至於炒飯呢都好味啦，不過冇比預期中咁驚喜座位都算坐得舒服嘅，同埋自助落單都好方便…查看更多

早排要喺附近開會預早咗啲時間食個早餐先費事開開吓會個肚打鼓🥁🙈未係最忙碌嘅時間 所以唔係好多客人一坐低已經派過QR code俾你自助落單於是叫咗佢哋嘅早餐A：特濃蕃茄湯 午餐肉粒 通粉👍配 鮮牛油多士 +4.3牛奶炒日本滑蛋 $46食物都好快上枱！茶記果然係茶記尤其係附近咁多寫字樓，果然訓練有素！午餐肉粒六面都煎得好香脆 不過就只係微溫 明顯係預早煮定左 呢個有少少失望蕃茄湯通粉湯底就好濃郁嘅🍅🍅🍅另外通粉都唔會碌到好淋！喜歡奶茶、牛油多士、滑蛋全部正常操作～P.S. 上嚟先見到呢度嘅服務咁《出名》當日用餐嘅時候冇特別多服務，但又未至於差~neutral 啦～🖥️佢哋QR code個落單System怪怪地飲品冇得喺個set度叫要出返去就咁叫飲品 然後佢幫你扣咗飲品杯價錢😉🍜早餐做到11:30am~ …查看更多

🇭🇰旺記冰室🇭🇰這家一直都很多人推薦，挺多時候都是大排長龍。之前經過的時候那麼多人排隊就沒有機會去吃吃看。剛好平日的人不太多不用排隊。🍳滑蛋叉燒飯這裡值得一提就是自己可以選你要多少的飯還有醬汁，我覺得挺好的。叉燒比我想象中的少，但不會硬，蛋很嫩，醬油甜甜的很開胃。不小心就吃完了哈哈哈哈哈整體來說是作為簡單又快速的午餐是非常不錯的。價錢合理，味道也不錯。有機會想試一下他們的番茄湯通粉，聽說午餐肉超厚的。我個人不會說特別會排隊去吃，如果平日午餐不會排太久的話我會考慮去吃的。…查看更多

🟢附近工作，平時都食開，雖然只有食過叉燒蛋飯同埋蕃茄通粉，但覺得嘢食質素不差的。🟢這天工作繁忙無法離開公司，公司同旺記係同一棟樓，電話落單一份餐之後，順口問可否送外賣，（其實真心唔送都冇所謂的，遲少少食飯唔會死的，當然如果可以梗係好啦🤣）🟢接線女生話要請示其他同事，然後另一位成熟女士接過電話，問我嗌總共幾多份餐，我話一份，然後佢叫我去嗌外賣APP因為免運費，隨後就cut咗線。？？？🟢之後因為佔線所以打多咗四次先打得通，然後問佢頭先有冇落我單？佢話同事並冇落到單，然後我再復述咗一次先至叫落單，然後我話一陣自己落去攞🟢利申我份人好鬼有禮貌，只係覺得如果你係送唔到嘅可以直接話俾我知一個餐毛利太少係送唔到外賣，我覺得都好合理，但係cut線又冇落單真係好型👍🏻✨唔好同我講茶餐廳阿姐態度差係咩香港特色，冇人想攞嚟賤💖😉…查看更多

我同兩個同事去食午餐，由於係附近番工，久唔久都去食吓，平心而論，食物唔差，飲品一般！但佢哋嘅服務態度係十個差。呢日好奇怪，點餐個QR code, 有啲Hang 機。搞咗幾分鐘終於點到三個餐三個飲品。食物好快到，呀姐送上4杯飲品，我哋即時同佢講，麻煩你 check 吓，應該唔係我哋叫，佢吚吚哦哦，check 完話係我哋自己叫，不過有其他食物未到就可以取消。與此同時，有三四份食物到咗，咁我哋又再講一次，我都只係叫咗三個餐。 就係咁我哋坐咗喺度等佢取消，我哋冇食過冇飲過啲嘢。隔咗一陣我又問阿姐咁而家點呀？佢話出咗嘅食物就冇得取消㗎啦，係你哋自己叫嘅。未出嘅佢已經幫我哋取消咗兩份，我再次解釋三個女仔點樣叫六個餐呢？咁我就叫佢麻煩你叫經理出嚟處理一下啦，我哋真係冇叫過六個餐。返咗幾分鐘，仍然冇人理我哋。咁我去問另外一個男職員，佢話我你嘈都冇用個喎！又隔咗幾分鐘都冇人理我哋，我就起身同佢哋講，嘢食呢我哋就冇食過，我而家就走㗎啦＇如果你哋覺得我食霸王餐嘅話就報警啦！去到門口收銀叫我俾錢，我重複同佢講我冇食過啲嘢，如果佢哋覺得我哋食霸王餐就報警！呢個時候有位著水鞋嘅經理出咗嚟，我同佢講我哋只係叫咗三個餐，麻煩幫我取消另一個餐，佢話如果個個客人都係咁，叫完又取消？唔得！我又解釋多一次三個女仔叫咗三個餐，係你哋系統有問題重複咗！由於佢都唔係想解決問題，咁我就同佢講多一次我而家就走㗎啦，我冇食過啲嘢你喜歡就報警啦！佢望一望門口條龍，講咗一句粗口，仲話倒晒啲嘢都唔歡迎我哋去！呢間舖頭確係門口長期有條龍，因為小紅書好多推介，但係咁樣嘅態度你會唔會去呢？其實個經理只係要取消咗一個餐，就可以留低三個開心嘅客人。佢完全冇檢視過自己嘅系統，就覺得係客人嘅問題，仲粗聲粗氣！…查看更多

我同朋友三人進入餐廳，當時是下午2:40左右，首先職員非常冇禮貌問我哋幾位，坐低後 我哋叫咗一個滑蛋叉燒飯，一杯熱飲。之後有一個員工走埋嚟同我哋講，你哋每個人都有最低消費(竟然香港茶餐廳有最低消費)，當時我已經打算叫第二個午餐，員工再同我哋講”你哋進餐時間只有30分鐘!” 由於我們其中一位友人打算三點叫下午茶，呢位員工再同我哋講”下午茶要3點，我驚你唔夠時間食吖，因為你哋只有30分鐘時間!” 重要的是 我們叫餐前，完全唔知進餐時間只有30分鐘，後尾我哋再叫第二個餐加杯凍飲，趕住30分鐘之內食完埋單。埋單時，最終收咗我們其中一位朋友$18最低消費，之後我就問其中一個眼大大的女員工，她的態度非常囂張及惡劣，佢同我哋講：「一早已經話咗俾你聽啦」，之後我再反映比她聽，你哋進餐時間30分鐘真係有啲少，她回覆我哋：「你可以唔入嚟㗎！」一間茶餐廳，員工咁嘅態度待客真係第一次見，永不再幫襯！…查看更多

上星期約fd食tea, 諗住係尖沙咀求其揾間茶餐廳，跟住就見到呢間餐廳係op好似都幾好評😛佢個叉燒滑蛋飯幾出名🤩同埋下午茶都幾多選擇，一般茶餐廳有嘅佢都有😚賣相好吸引🤩🔻揀左呢個特濃蕃茄湯午餐肉粒通粉，+$5轉左公仔麵，佢啲午餐肉切到勁大粒！！同埋食落仲好脆🤣啲公仔麵又唔會煮到好林，蕃茄湯勁濃🍅🍅🍅雖然午餐肉有啲唔健康，但真係好好食😋🔻跟餐仲有個4.3牛奶炒日本滑蛋，同埋一塊鮮牛油多士，再加杯熱愛爾蘭咖啡，超抵食！…查看更多