樂天皇朝 (東薈城名店倉)

营业中

休息中

餐前小食❤最中意佢地既花生夠哂軟腍帶甜味，好開胃京蔥爆美國牛小排❤把京蔥同肥美既牛小排，夾埋一齊食夠滋味。肉質嫩滑，牛肉味香濃，加埋濃郁既醬汁，送飯一流! 如果份量可以再多D就更好了。沙拉排骨❤炸排骨件件都咁厚身，仲要每件都有濃濃既酸甜沙律醬包住，排骨香口得黎夠嚼頭，記得趁熱食。重慶紅油鮮蝦抄手❤紅油唔會太辣但又好惹味。爽口彈牙既內餡，豬肉比例較多，入口唔油膩。皇朝小籠包❤今晚既主角，件件重25克既小籠包，每件都有18摺，就咁睇樣，已經覺得係一件藝術品。每件小籠包都好飽滿，件件都有滿滿既湯汁，食起黎一D都唔膩，絕對係皮薄餡靚。味道方面有原味、絲瓜、鵝肝、黑松露、芝士、蟹粉、蒜香、川味。最中意係蟹粉同蒜香，夠哂惹味可口!蟹粉炒飯❤蟹粉com哂成個飯底，D飯好有鑊氣，蟹味夠香。一人一碗岩岩好。