Chatterbox Café (圍方)

营业中

休息中

放假同家人去圍方行街食tea，呢度嘅海南雞飯好出名，+$10升級轉雞髀，同埋+$25叫咗個黑醬油蘿蔔糕。另外點咗個招牌蝦喇沙下午茶。文華海南雞飯 - 海南雞好滑，雞髀肉夠哂淋。三款醬汁都好味，輪住點。油飯好出色，粒粒分明。隨餐附送嘅例湯好清甜，豆腐嫩滑。果然係招牌菜！招牌蝦喇沙 - 有蝦、魚片同雞，湯底濃郁，米線亦都好好掛湯。食得出成碗喇沙係冇咩味精，唔會食完好頸渴。成碗喇沙都好足料，雖然係下午茶，但係份量都唔少。黑醬油蘿蔔糕 - 新加坡嘅黑醬油味道較甜，食到粒粒蘿蔔，小食嚟講，份量啱啱好，味道亦都好出眾。錫蘭奶茶 - 凍熱都好飲，不過熱飲茶味較突出，而且熱飲唔使加錢，抵飲！