豊勝手丼 (已結業)

今日好想食日本野！放工約左同事黎到豊勝手丼，餐廳位於銅鑼灣V Point 地下，地點夠哂方便，環境寬敞坐得舒服。薄燒牛肉沙律牛肉脂肪分佈平均，肉汁充盈、肉質鮮嫩、牛味香濃，沙律菜新鮮爽脆好清新，健康之選。海之幸丼有成七款刺身，相當豐富，包括油甘魚、左口魚裙邊、吞拿魚腩、三文魚籽、赤蝦、松葉蟹鉗同日本海膽。賣相非常吸引，食落款款都好新鮮!比較推介富油脂甘香既吞拿魚腩、松葉蟹鉗軟滑鮮美、濃郁奶滑既日本海膽。四菱海鮮丼有齊日本海膽、紅蝦、鯛魚、三文魚，款款新鮮，尤其推薦鮮嫩甘甜既鯛魚，以及鮮甜豐腴既日本海膽～照燒牛吞厚切牛吞夠哂爽脆，食落軟綿有咬口。燒鱈魚乾薄脆香甜唔會韌，沾埋蛋黃醬食更滋味。飲品揀左信州蘋果梳打，甜度剛好，解膩一流。