咖吔

营业中

休息中

同幾位朋友食下午茶搵到呢間環境舒服又多選擇。每款下午茶包一杯飲品，飲品都好多選擇。參峇蟹肉配炸饅頭呢個配搭幾特別，炸饅頭放落去蟹肉湯好滋味，蟹肉鮮甜。價錢$78稍貴，但可以一試。無骨海南雞，油飯雞肉肥美，嫩滑，食出雞味。醬汁有3款，薑蓉，濃黑醬油，甜酸泰式醬。我最愛是泰式醬，好開胃。鹹蛋黃單骨雞翼（6件）呢款嘢味小食，人人都鍾意，雞翼食落外脆內嫩，還帶有陣陣咸香味，夠哂味。檳城街頭排骨山（配飯）肉質炆到軟腍鬆化，要用手撕食才夠滋味。骨佔部份比較多，肉唔算太多，淋上酸辣汁惹味開胃，都好有肉味，送飯一流。斑斕咖央多士比起用花生醬，我更愛斑斕，咖央醬帶有椰香及蛋味，令西多士的味道更豐富。多士也煎炸得外脆內軟，好食。大蝦青木瓜沙律牛油果五色米紙食完肉，叫番2款清新又滿足的沙律和米卷，健康又美味。