-湘蜀人家-
@灣仔
.
湘蜀即湖南同四川，都係食辣為主。餐廳中式的裝修，座位分有卡位同圓枱，都好闊落，坐得好舒服。
.
前菜係醃白菜，食落爽脆，味道酸酸辣辣而且偏咸。初初食唔會覺得好辣，但後勁好強，好開胃的前菜。
.
干煽肥腸
干煽係一種川菜的烹飪方式，以不斷地翻炒食材以逼出食材水分或油脂，再加入調味料炒至湯汁也蒸發掉就起鍋。
.
哩碟干煽肥腸用上乾椒、花椒、洋蔥，蔥粒及紅椒等炒香肥腸，所以辣味都好多層次不死辣，帶有花椒麻香之餘，辛辣又令人食得好過癮。
.
每塊肥腸都炒到超金黃，食落唔會油膩，而且好香脆完全唔會韌，加埋花生更香口。
.
土家酸菜粉條燉魚
好大份的酸菜魚，個湯底味道好濃郁，唔會太酸太咸又唔會好多油，味道豐富帶點辣，忍唔住飲左碗。
.
魚片好多，肉質好滑而且無骨，食得好安心。
.
粉條好滑溜彈牙，吸晒湯底的味，真係同酸菜魚好搭。
.
