影片
更多
2022-12-28
6038 浏览
從網上媒體知道尖沙咀金巴利街開了一間本地麵店，雖然沒有雜誌大肆報道，但口碑出奇地好。據說，開業後一年下來，無論任何時段，想幫襯就一定要排隊，隨時要排一個鐘頭以上！小編不禁聯想起日本當地的人氣小店 ⋯⋯ 到底「海· 三碗麵」是否有其過人之處？又係唔係真係要排隊一粒鐘？今晚終於戚起心肝去一探究竟。小店位於金巴利街街尾，去到已經有六個人在排隊。以為人少少，等一會兒就可以入座；但小店實在太細，容納人數有限，晚上8點左右去到排隊，排到9:10左右才能入內！網上傳言真係冇呃人！拉開趟門先要行上三級樓梯。店內間隔很窄，左半邊是廚房，右半邊的僅餘空間就僻為座位區，勉強放下三張細方枱，同一時間只可以招呼6位客人。仍然不理解點解要排一粒鐘：6個人排隊，店內又剛好可以招呼6位客人；冇理由每個人要食一粒鐘㗎？一如麵店名字，餐牌只有三款麵，全部一律配搭燒牛肉及伊麵，分別只在湯底：海蝦濃湯（$90）、金華火腿煲雞濃湯（$90）及忌廉廣島蠔湯（$110）。前兩者係常駐餐牌，第三款湯底就不定期轉換口味，聽其他客人同老闆對話，原來早兩三個星期還是胡椒豬骨濃湯。小店只由兩個人運作。老闆娘負責落單、收拾枱面及其他瑣碎工作，
小店位於金巴利街街尾，去到已經有六個人在排隊。以為人少少，等一會兒就可以入座；但小店實在太細，容納人數有限，晚上8點左右去到排隊，排到9:10左右才能入內！網上傳言真係冇呃人！
拉開趟門先要行上三級樓梯。店內間隔很窄，左半邊是廚房，右半邊的僅餘空間就僻為座位區，勉強放下三張細方枱，同一時間只可以招呼6位客人。仍然不理解點解要排一粒鐘：6個人排隊，店內又剛好可以招呼6位客人；冇理由每個人要食一粒鐘㗎？
一如麵店名字，餐牌只有三款麵，全部一律配搭燒牛肉及伊麵，分別只在湯底：海蝦濃湯（$90）、金華火腿煲雞濃湯（$90）及忌廉廣島蠔湯（$110）。前兩者係常駐餐牌，第三款湯底就不定期轉換口味，聽其他客人同老闆對話，原來早兩三個星期還是胡椒豬骨濃湯。
小店只由兩個人運作。老闆娘負責落單、收拾枱面及其他瑣碎工作，煮麵及廚房運作就完全由老闆一個人負責，可以形容為「一個人的麵店」。望著老闆煮麵過程，每個程序都慢條斯理，甚至忽然間發呆一兩分鐘!? 除了堂食，還要兼顧外賣；結果，落單後等了差不多30分鐘才端上伊麵⋯⋯終於明白點解要排隊這麼久！
廚房長長窄窄，甚至細過日式拉麵店的開放式廚房；只因小店面積細得太可憐、其中一邊又貼向外街，所以無法做成開放式廚房。望見廚房內有三大煲湯，應該就是不同口味湯底。工作枱面又有一大條燒牛肉及一盒櫻花蝦，正是麵店出品的主要食材。
老闆慢條斯理地切出一片片薄牛肉，原來原條牛肉只是表面鋪滿黑椒碎及烤至焦香，內裡仍然接近全生；奉客前先要用氣體火槍將每碟切片牛肉燒炙至七成熟。
金華火腿煲雞濃湯 Roast Beef 伊麵（$90）賣相普通，同坊間其他粥粉麵店的上湯伊麵看似沒有分別；事實上，所採用的伊麵同其他粥粉麵店的伊麵也真係沒有分別，同樣係一個大膠袋裝着的一個個圓形伊麵麵餅。
金華火腿煲雞濃湯 Roast Beef 伊麵
$90
41 浏览
0 赞好
0 留言
切片牛肉Roast Beef 同樣出色美味。七成熟、薄切；入口鮮嫩多汁、肉味濃郁。儘管沒有油花滿瀉、也不是日本產和牛，勝在肉味香濃、肉質鬆軟，估計係高質美國牛肉。
同普通港式粉麵店比較，價錢確實貴，貴在湯底及選用靚牛肉；但湯底又真係真材實料，非常出色，直逼高級粵菜酒家出品。話說回頭，香港有不少來自日本的過江龍日式拉麵名店，雖然店舖較大、裝修企理，但一碗拉麵同樣只有兩片薄叉燒，賣點也是每日店內新鮮熬煮的特色湯底；卻甚少香港人投訴或者不滿動輒索價 $100元、甚至 $130 以上，還要加一服務費呢？其實，只要出品味道一流、食材選料值回票價，就算貴一點，只要貴得有價值，也應該支持本地口味的本地小店！
後記：埋單時同老闆傾了兩句，言談有點靦腆、又斯文有禮，本業唔似從事飲食業。莫非開此麵店係為興趣？又或者要滿足做廚師的心願？平心而論，老闆真係有啲似為興趣而開舗。出餐太慢，唔係個個人有耐性排隊（香港並沒有日本人排隊食人氣小店的風氣），需要調整一下慢工出細貨的煮麵態度。我聽日你食咩啊
张贴
