雪山冰廳

营业中

休息中

沙爹牛肉公仔麵湯底濃郁，牛肉嫩滑，沙爹醬好惹味，麵都好爽口彈牙。常餐仲配埋午餐肉炒蛋同香酥丹麥多士。丹麥多士外面香脆，內裡鬆軟，一層一層嘅，香甜可口。經典芝蛋牛肉漢堡包。鬆軟嘅麵包，裡面夾住牛肉、芝士同蛋，牛肉裡面加咗洋蔥，又爽口又香，蛋係半熟，一啖咬落去，蛋黃流晒出嚟。仲加咗芝麻醬，酸酸地好fresh，個人覺得如果加沙律醬味道仲好。老壇酸菜魚主角魚肉好嫩滑，酸菜酸得嚟都幾脆口。配菜有泡椒、辣椒仔、木耳，大豆牙芽，蓮藕片，顔色同味道都幾豐富，湯底都唔算太辣，美中不足係湯比較少，配薯粉食唔夠。樽仔奶茶。香濃嘅茶味，口感細膩，甜度適中，加上獨特嘅樽仔設計，果然係招牌之一