楚撚記大排檔 (日富里百好大廈) (已結業)

充滿香港的情懷, 夠鑊氣同價錢貼地👍🏻難忘漁港蝦醬骨 （海山骨） -排骨炸得鬆化，咬落啖啖肉-蝦醬鹹香滲入肉縫，唔會過濃搶喉. 送啤酒一流脆皮燒BB鴿 皮脆肉厚-皮下脂肪層薄而甘香，肉質軟腍唔嚡口-乳鴿size偏細但肉嫩多汁，外皮微焦脆，醃料帶淡淡五香粉味，唔會蓋過鴿肉鮮甜。小炒王 -韭菜花、腰果、蝦乾、小蝦球、魷魚鬚, 鑊氣十足-韭菜爽脆無渣，蝦乾鹹香提鮮，送酒啱晒豉椒鵝腸 -鵝腸處理得乾淨無異味，咬落爽脆彈牙，豆豉同辣椒爆得香小寒手工啤酒 -入口清爽帶柑，仲有少少香甜嘅朱古力味，中和咗大排檔濃味餸菜，飲到尾段有微微麥香，唔會苦澀