耀記雲吞麵食

营业中

休息中

早幾晚一條友好夜先喺監房度走, 又攰又餓, 都唔知食咩好, 最後師傅見呢度仲未打烊, 於是就決定入去食碗粉啦!入到去唔算好多人, 可能係放啦; 一坐底即刻睇下有咩好食, 最後都係揀左雲吞麵一碗, 凍檸茶一杯同埋一碟炸魚皮! 等左一陣雲吞麵率先登場, 先試下個湯底, 湯底好清甜, 加左少少腩汁更加香, 雲吞一碗有四粒, 皮薄餡靚, 蝦肉都幾隻又夠爽口, 幾好味, 而麵質黎講都幾爽口彈牙, 一d鹼水味都冇, 唔錯喎; 而凍檸茶就唔係好夠茶味, 一般啫; 炸魚皮嘅質素就幾參切, 有d好脆有d好腍, 令到口 感驟降, 扣少少分啦!總括黎講食物質素都可以, 而地方就幾乾淨, 價錢經濟抵食, 廿四蚊一個餐包凍飲, 炸魚皮十蚊, 埋單三十四, 都幾抵食! 呢個深夜晚餐令師傅都食得幾飽, 幾滿足, 所以下次一定會再黎, 而笑臉都值得一比!