耀記雲吞麵食

今时今日，想找一啲传统味道的云吞面舖已经越嚟越难。误打误撞之下入了这间耀纪，估不到他的味道仍是保留传统正宗的味道，最惊喜系佢嘅淅醋原来佢都系用荃湾悦和淅醋，识货嘅云吞面舖先会用呢一只。讲返云吞佢哋个尺寸系一口大少少𠮶只汤底是清汤相信系大地鱼等煮的，最怕𠮶啲用味精猪骨汤底做得云吞面，唔食好过食三不像，完全不可以叫传统广东云吞面短短15分钟客人不停出出入入，好似都几好生意，希望他们长做长有，大家多多支持传统老店。…查看更多

第一次食，路过又试下，好似系社交平台见过人介绍。，跟捞面嘅汤几好饮。云吞大粒， 爽口， 但味淡。面身算爽弹，味道几ok，有d蛋香。牛腩同腩汁几好，牛腩够淋，腩汁香浓，加多少量辣油，加埋一齐捞面一流。…查看更多

🥟🍜🇭🇰佐敦细蓉小店☑️招牌云吞面（细）-$37行完街买完嘢想揾个位坐吓同食嘢，又唔系话好肚饿，就谂住食碗云吞面。虽然佐敦呢度有好多间旅游书推介嘅云吞面，但我就冇去食𠮶几间，反而嚟咗呢间喺地铁站附近嘅耀记。呢度嘅云吞面有大细碗之分，细嘅系$37，大嘅系$47。我今次就试咗碗细嘅。店舖虽然唔大但系门口会见到有婶婶喺度包紧云吞。云吞有四粒，每粒都大大粒，皮薄馅多，虾同埋肉各占一半，而虾都好弹牙同埋大只。至于生面亦都好弹牙，但有啲难咬断。汤底唔错，会令人想饮晒佢。但系略嫌旁边嘅醋唔够酸，好似加水沟淡咗，令到成碗云吞面有啲美中不足。…查看更多

到咗佐敦唔知食咩好 又好肚饿，跟住见到个黄色招牌写住云吞面 就行咗入去因为都好耐冇食过云吞面 见佢出名云吞面我就坐低左就叫云吞面其实个舖头唔算大 同埋食云吞面都唔会预服务几好㗎啦 但估唔到我问佢攞杯滚水 佢话好啊冇问题 又几热心 仲话滚水大把呢间云吞面店收cash同埋Alipay 大家想食就要留意啦 呢一餐食咗$47 如果经开佐敦 又想食云吞面 可以黎尝试 个汤底就系大地鱼整既 个面有碱水味 个云吞嘅虾真系好爽口好弹牙 见到评论话辣椒油几好味，就加咗五六滴 因为唔系好食得辣 果然真系要加 好食左 由于太肚饿，所以食到一半先影 跟住姐姐问要唔要饮啲嘢 就叫咗杯热奶茶呢个奶茶都几香 茶味浓过奶 想要几甜就自己落…查看更多

行过附近约咗整野又未够钟，先食左个early dinner先。睇舖面招牌已经知道系旧式云吞面，咁一于叫碗$36 细蓉加$10支装zero 。云吞真系可以叫做皮薄馅靓，d虾新鲜又弹牙，其实叔叔系门口都一直有包云吞，一定新鲜啦。老实冇乜惊天地 泣鬼神，正常旧式云吞面，大地鱼汤再加辣油，简单又满足。姐姐都系好人，只系旧人类唔系那种口甜舌滑，但系落单一步到位几爽吖！…查看更多