影片
更多
2018-05-29
3522 浏览
返工咁辛苦, 收工梗係要拆餐勁！呢間位於金朝陽中心嘅101以手工火鍋配料見稱, 店內環環相當唔錯, 夠寬敞, 咁熱嘅天氣打邊爐, 最緊要係冷氣夠, 抽風好, 呢度未食已經攞曬分！菜都未點, 就先有前菜-秘製木耳, 麻醬雞絲俾你開定個胃。鍾意混醬嘅朋友見到呢盤嘢就忘形地混...。呢度上菜超快呀, ready？上鍋啦！睇見呢個畫面, 一切都變得唔重要啦, 最緊要有好嘢食！呢個 金蟬脫殼 雞鍋湯底勁足料, 鍋中心一塊大冬瓜, 加上蟲草花、杞子同其他配料, 清清地消暑又養生。時令海鮮拼盤, 單係兩隻巨蠔已經值回票價啦。手切安格斯牛頸脊, 肉質爽口, 油花分佈平均, 牛味亦相當濃郁。手工火鍋拼盤, 8款入面有5款都加咗芝士/黑松露, 連平時唔太鍾意食丸嘅我都愛上彈牙、鮮味嘅鮮蝦芝士丸。成支筷子咁長嘅巨形響鈴, 浸一浸, 吸收曬湯底精華, 正呀。呢個set份量之大, 相信要兩個大胃男先食得曬。食到呢個地步, 如果你自命食量驚人, 仲有成個list俾你無限追加。脆鯇魚腩, 新鮮又爽口, 大推！飽到攬住個肚都要點半份。飽到攬住個肚返屋企。
菜都未點, 就先有前菜-秘製木耳, 麻醬雞絲俾你開定個胃。
鍾意混醬嘅朋友見到呢盤嘢就忘形地混...。
呢度上菜超快呀, ready？上鍋啦！
睇見呢個畫面, 一切都變得唔重要啦, 最緊要有好嘢食！
呢個 金蟬脫殼 雞鍋湯底勁足料, 鍋中心一塊大冬瓜, 加上蟲草花、杞子同其他配料, 清清地消暑又養生。
時令海鮮拼盤, 單係兩隻巨蠔已經值回票價啦。
手切安格斯牛頸脊, 肉質爽口, 油花分佈平均, 牛味亦相當濃郁。
手工火鍋拼盤, 8款入面有5款都加咗芝士/黑松露, 連平時唔太鍾意食丸嘅我都愛上彈牙、鮮味嘅鮮蝦芝士丸。
成支筷子咁長嘅巨形響鈴, 浸一浸, 吸收曬湯底精華, 正呀。
呢個set份量之大, 相信要兩個大胃男先食得曬。食到呢個地步, 如果你自命食量驚人, 仲有成個list俾你無限追加。
脆鯇魚腩, 新鮮又爽口, 大推！飽到攬住個肚都要點半份。飽到攬住個肚返屋企。
张贴
