蒜蓉蒸蟶子皇，蟶子大隻肥美，蒜蓉鋪得夠厚，香氣撲鼻，蒸得啱啱好，唔會過熟，入口相當彈牙，保留咗海鮮嘅鮮味。粉絲吸晒湯汁，充滿鹹香
油浸筍殼魚，大大條，上菜時侍應會幫你切開，魚皮炸得金黃酥脆，大部分嘅骨都炸到可以咬碎，入口索索聲，香氣四溢，魚肉入口油而不膩，極之香滑鮮甜，高質
薑蔥焗加拿大桶蠔加燒雞組成孖寶，只需$308，抵！桶蠔份量十足，蠔身厚肉飽滿，薑蔥爆香後焗製，帶出蠔嘅鮮甜，唔會過火，保持咗蠔嘅滑嫩口感，入口蠔味滿溢，蠔肉新鮮到極，爆完嘅薑蔥都係精華之一，芡汁做得好好
燒雞雞皮燒得香脆入味，調味適中，唔會過鹹，雞肉極之新鮮嫩滑，鮮味十足
大閘蟹粉扒豆胚，係時令限定出品，好有秋意，用心拆好蟹粉，加上瑤柱碎香濃撲鼻，豆胚精挑細選，嫩滑之至，兩者完美融合，入口即化，而且一啲都唔油膩，真係冇選錯
要讚下，款款出品都不油膩，廚房應記一功，侍應們都好有禮貌，笑容可掬，令現場每枱客都品嘗得好開心，氣氛極佳，要成為飯堂至得
