壹蒸鍋

营业中

休息中

今日同男朋友去左兆萬15樓食蒸氣火鍋，對上一次去食已經係成年前。印象中餐廳嘅質素都唔錯，海産類都幾新鮮，最重要嘅係選擇夠多。餐廳係類似放題嘅形式用點餐紙落單，火鍋類嘅點餐紙一大張過，要食咩一眼就可以睇曬，有成幾十款，而刺身等野食就有另外嘅紙。醬料同野飲就係出面自己拎，而我就好欣賞佢嘅柚子醋。味道清新，有淡淡嘅柚子香，可以中和火鍋嘅油膩。蒸氣火鍋。有大大隻龍蝦、貴妃蚌、帶子、魚腩等，海鮮上面鋪滿左蒜蓉、粉絲同蟲草花。店員擺左個計時氣，一響就食得。一面蒸緊嘅同時，不斷有好香嘅蒜蓉味傳出，好吸引。有成隻龍蝦係到，啲肉好厚實好新鮮。帶子連粉絲一齊食絕對係世界級享受。生蠔蒸完都脹卜卜，好鮮味。魚腩就好肥美。刺身。三文魚係厚切，好肥美，油脂分佈平均。油甘魚幾新鮮，有小小油嘅甘香，墨魚好有咬口。甜蝦最值得一贊，大大隻好鮮甜爽口，希靈魚魚彈一粒粒卜卜聲。招牌瑤柱龍躉魚粥底。粥底吸曬海鮮嘅精華，入面仲有一啲蜆同龍躉，好足料。另外仲叫左一啲蝦滑、花膠仔等等，都好好味。