壹蒸鍋

营业中

休息中

最近同太太試咗一間任食既火鍋，太太非常滿意! 太太極鐘意食海鮮，而我就極鐘意食刺身，所以為左滿足各自既願意，黎咗呢間位於旺角既任食火鍋呢間壹蒸鍋在兆萬十五樓，同場仲有十六樓既壼火鍋，相信係同一個老闆。由於我地六點前就已經入左黎，所以可以食到最平既時段，擇左既可以食刺身，又可以食海鮮，又可以打埋邊爐，一次過滿足晒三個願望。同其他任食火鍋比較相似，所有醬料配料都係自助形式，呢度醬料選擇非常多，好多都好特別飲品選擇有兩大個櫃，各式其式好快就選擇左個普通清湯底飲住野黎等食!主角出場，大大個海鮮蒸鍋，所有海鮮都勁大隻同埋勁新鮮，海鮮包括有龍蝦，扇貝，鮑魚，蠔，大蜆等等，真係多到大叫"嘩"一聲，而且佢既新鮮程度可以比美去海鮮檔擇海鮮既質素，完全唔會有腥味，鮮味十足!由於食完海鮮已經餓左7成,連我最愛食既刺身都食唔落，所以只好開始打邊爐，呢度既肥牛雖唔算極品，但以任食放題黎計算係好高質，牛味有而且夠薄易熟，滾下就食得!魚皮抵讚，脆口滾五秒食最啱我心水，可能因為湯底吸收左剛剛海鮮鍋既鮮味，所以特別清甜!最後食飽飽後食埋雪糕糯米池，劃上完美句號!