抵食嘅晚市2人套餐都只係$389，人多嘅話仲有唔同嘅Set選擇，價錢恰宜，味道好🤩
🥢 香茅椰糖烤雞全翼
重點推介！
⭐️⭐️⭐️⭐️⭐️
雞翼先用香茅、椰糖、魚露等醃足一晚，帶微甜香茅清香，仲有啲蒜香，皮香脆，肉保持滑嫩，咬落爆發性嘅香茅味，惹味得嚟好fresh！
🔥 瑪萊沙嗲雞串燒
沙嗲醬濃郁帶花生香，雞肉燒得剛好嫩滑入味，帶輕微微辣同甜，串燒香氣撲鼻，超惹味！
🍲 星洲胡椒肉骨茶
肉骨茶湯底用大量胡椒煲，辣辣暖胃，豬骨肉入味鬆軟，湯香味濃，飲幾碗都唔厭。
🍚 少爺海南雞飯
重點推介！
⭐️⭐️⭐️⭐️⭐️
雞肉滑嫩，皮夠薄，仍見到透白膠原貼住雞肉，飯香得嚟分明，淡淡「雞油」味，配埋特製姜蓉同辣椒醬，簡直係完美嘅經典組合！
🦑 香草青檸汁蒸原隻釀魷魚
魷魚肉質彈牙，用青檸汁配上同香草蒸煮，酸酸清新帶淡淡香氣，釀料用咗豬肉、洋蔥、芫茜等香料混合一齊，層次豐富得嚟味道突出，食落好清爽。
🍤 森巴蝦仁通菜
蝦仁鮮甜彈牙，通菜爽脆，配合微辣醬汁，簡單健康又好味，好開胃。
🍞 班蘭咖椰多士
重點推介！
⭐️⭐️⭐️⭐️⭐️
烤至香脆嘅多士外皮，塗上甜甜的咖椰醬，好夠班蘭香味，暖笠笠食好滋味，有滿滿嘅東南亞風味。
🧋 手標牌正宗泰式奶茶
泰奶香濃足料，有茶香又甜滑，冰凍飲冰涼醒胃，夏天一杯超正！
🍯 桂圓紅棗蜜
暖暖的甜蜜桂圓紅棗蜜湯，滋補養生又解渴，不過甜剛剛好，好適合冬天飲。
