最近同好姊妹相約去左間喺海港城好高質又性價比高嘅Omakase「鮨央泰」。
餐廳用木系做主調，環境好舒服。而佢係由日本壽司大師山口先生親自主理 ，用上日本高質食材，每日由日本空運到港，保證新鮮！
我地叫左兩個lunch omakase set $680 一位。
呢個set有前菜、茶碗蒸、壽司10款、玉子燒、湯同埋甜品。
前菜都開胃，
汁茄子入面有淮山葯肉同埋明太子 。茶碗蒸好嫰滑！
10款壽司我最鐘意
熟成大間吞拿魚 （青森縣）。 14日熟成後 ，好鮮味！入口即化！入口即化的熟成大拖羅（真的是人生必試一次！）
北海道帆立貝好大隻，用火熗燒一燒過啱啱好，食落口鮮甜又有焦香而肉質好軟嫰。
而saba 鯖魚 (季節）油脂豐富，口感柔軟。
除此之外，仲有碟鯛魚、北海道瀨尿蝦、
太刀魚、梭子魚、北海道馬糞海膽等等。款款都肉質細緻鮮美。
江戶前玉子燒質地好似海棉咁鬆軟。
而甜品個自家製芝士蛋糕味雪糕，芝士味濃郁，真係好似食緊芝士蛋糕咁。而雪糕質地軟滑得黎又好厚實！
「鮨央泰」絕對係海港城壽司界的頂級秘密！強烈推薦💥！
