城中鴨子

营业中

休息中

呢間真係海港城人龍店之一，lunch 及晚市時段總係會人頭湧湧，而且係無得訂座無得網上攞飛，只可以親身攞飛，但都咁多人排隊等，係好匪夷所思既一件事，又係lunch time, 同事建議食呢間，仲要星期五，真係越級挑戰😂😂，12:30 分到去禁飛，1:15 到就到我地，時間預得剛剛好，唔使長時間等候令整體感覺加分，無叫餐，亦都無叫片皮鴨，因為驚食唔晒之餘亦驚唔夠時間，打工仔既lunch time 時間好趕🤪，所以就散叫：🔸小籠包-有湯汁，上到枱都仲熱辣辣，但皮偏厚🔸陳醋骨骨好入味亦腍，但唔夠酸，偏甜，同事話似薑醋味，都係。🔸宮保雞丁少許麻辣，都係偏溫和版配合港人口味，要配飯，否則較咸。🔸沙窩雲吞鴨湯呢個唔係用雞，係用鴨，大概係因為太多片皮鴨所以唔好浪費，都啱既，湯味道較濃厚，鴨肉比想像中滑，但湯偏咸🔸豆沙窩餅不過不失，個皮好似同平時食開的口感略有不同，有點餅乾的感覺。上海粗炒、同牛肉餅都唔記得影相😂，但牛肉餅好食，爆汁，上海粗炒就普通，粗炒比較腍身，我不太喜歡。整體食物質數okay, 價錢適中。