終於放假啦，帶左一個師弟過長沙灣呢邊食lunch，唔講唔知，近住海盈邨呢邊原來有個幾chill 既area，對住個海景又有足夠既陽光，仲有幾間有名既cafe坐立喺呢個小商場🤓連Terrace in seaside 都喺呢度開左間分店😳坐喺窗邊的話真係會勁舒服，望住個海食飯感覺勁Chill
💁🏻♀️雞蛋多過飯的蛋飯卷 $118
其實即係gimbap，不過呢個飯卷個雞蛋既份量真係比較多，而且入面既配菜都佔比幾多，啱曬唔想食咁多飯但又喜歡食飯卷既人，旁邊仲配有蔬菜沙律比你解膩，份量十分足夠
💁🏻♀️泡菜豬肉炒年糕 $88
相對較濃味既一道菜式，炒年糕入面有不少既豬腩肉片、泡菜、洋蔥同埋煙煙韌韌既米年糕，食材都幾吸味，啖啖都食至泡菜既酸辣口味
💁🏻♀️L.A. 牛肋骨 $198
口味比較甜既牛肋骨，食落啖啖肉赤都有足夠既油脂，不過個醬汁真係比平時食既較甜身，如果有白飯送既話應該可以扒到一兩碗，啱曬重口味人仕
💁🏻♀️比初戀還要甜的蜜瓜窩夫 $108
甜品我地揀左呢排當造既蜜瓜窩夫🍈入面既蜜瓜份量都算多，而且的確幾甜蜜，好適合配忌廉同窩夫一齊食😌一客窩夫有四大片，配上蜜瓜忌廉、原味忌廉同雜果都的確幾清新👍🏻值得一試
💁🏻♀️飲完唔會手指指餅咖啡 $58
咖啡無想像中咁甜，呢度既咖啡其實仲得唔錯，雖然平時比較少飲奶啡，但佢呢度個啡係可以飲到奶、忌廉到咖啡既層次感，對於平日常飲黑咖啡既我有點衝擊，有時想飲少少甜野的話都可以考慮的，btw個手指餅點奶蓋同忌廉都幾好食👍🏻
💁🏻♀️帶點驚喜的香印提子奶蓋綠茶 $58
師弟點果杯奶蓋綠茶都唔算太甜，佢話食到提子果肉，奶蓋令到杯茶好creamy ，可能對後生仔黎講唔夠濃味，但我就幾喜歡佢唔會太甜啦
