Terrace in seaside (SOHO West)

营业中

休息中

Terrace in seaside 是新派的韓國餐廳， 最近在長沙灣 SOHO West 開了新分店， 佈置簡約時尚， 配上漂亮的柑橘樹裝飾， 充滿小清新的感覺， 尤其是在室外露台用餐， 享受醉人海景及清爽海風， 有說不出的寫意。 剛好父親節月，餐廳提供有限定優惠 (只限6月1至15日) 逢星期二至四， 帶爸爸同行即送免費自選窩夫一客（不包括生日窩夫），與爸爸一起來順便慶祝父親節吧 !雞蛋多過飯的蛋飯卷清脆紫菜飯卷， 外型飽滿， 包裹著滿滿爽脆紅蘿蔔絲、 嫩滑雞蛋，色彩悅目，口感清爽， 簡單而滋味。泡菜豬肉炒年糕爽脆的泡菜，味道辛香四溢， 薄切的豬肉鮮嫩入味， 煙韌彈牙的年糕，吸收了濃郁的泡菜醬汁，讓每一口都惹味過癮。L.A.牛肋骨牛肋骨外焦內嫩， 油光亮麗， 入口 柔潤，甜中帶淡淡果香，沒有油膩感，讓人一口接一口，欲罷不能。圓碌碌蜜瓜沙冰顏色嫩綠蜜瓜沙冰， 冰涼透心，蜜瓜粒粒 ， 啖啖天然甜味，清新解膩。飲完唔會手指指餅咖啡咖啡香濃，而不苦澀， 品嚐到輕微堅果的果香， 口感柔順細膩。比初戀還要甜的蜜瓜窩夫 即叫即制的窩夫， 香氣十足 ，配上大粒新鮮雜莓及滑溜的忌點綴， 賣相吸引，

《Terrace in seaside - 長沙灣》終於放假啦，帶左一個師弟過長沙灣呢邊食lunch，唔講唔知，近住海盈邨呢邊原來有個幾chill 既area，對住個海景又有足夠既陽光，仲有幾間有名既cafe坐立喺呢個小商場🤓連Terrace in seaside 都喺呢度開左間分店😳坐喺窗邊的話真係會勁舒服，望住個海食飯感覺勁Chill💁🏻‍♀️雞蛋多過飯的蛋飯卷 $118其實即係gimbap，不過呢個飯卷個雞蛋既份量真係比較多，而且入面既配菜都佔比幾多，啱曬唔想食咁多飯但又喜歡食飯卷既人，旁邊仲配有蔬菜沙律比你解膩，份量十分足夠💁🏻‍♀️泡菜豬肉炒年糕 $88相對較濃味既一道菜式，炒年糕入面有不少既豬腩肉片、泡菜、洋蔥同埋煙煙韌韌既米年糕，食材都幾吸味，啖啖都食至泡菜既酸辣口味💁🏻‍♀️L.A. 牛肋骨 $198口味比較甜既牛肋骨，食落啖啖肉赤都有足夠既油脂，不過個醬汁真係比平時食既較甜身，如果有白飯送既話應該可以扒到一兩碗，啱曬重口味人仕💁🏻‍♀️比初戀還要甜的蜜瓜窩夫 $108甜品我地揀左呢排當造既蜜瓜窩夫🍈入面既蜜瓜份量都算多，而且的確幾甜蜜，好適合配忌廉同窩夫一齊食😌一客窩夫有四大

餐廳位置從南昌站B出口步行約10分鐘，坐落於長沙灣海濱之上，設有室內外座位，戶外區寵物友善且擁有無敵海景，適合追求慢活的客人。室內裝潢明亮簡約，大片落地窗引進自然光，整體氛圍舒適放鬆。沒有限時用餐，侍應禮貌招呼，不過部分菜式供應不穩定，好幾款menu上的菜式或飲品都暫未提供。超級肉醬芝士千層麵 $112手工製作的蛋黃千層麵皮口感Q彈有勁道，切開時芝士拉絲效果誘人，肉醬分量充足，惟酸味較突出，適合重口味愛好者。半半炸雞 $238任選兩種口味組合，我就完全是根據菜名選擇，皆因名字甚為有趣，思考人生的甜辣烤雞：醬汁酸甜平衡，去骨雞塊肉質嫩滑；很邪惡但很惹味的芝士炸雞：濃郁芝士醬包裹酥脆外皮，雞肉仍保留肉汁，都唔錯。明太子蟹肉飯卷 $118八件飯卷鋪滿明太子沙律醬與蟹肉絲，蟹籽增添爆脆口感。米飯濕度適中，明太子的鹹香與蟹肉鮮甜形成對比。士多啤梨窩夫 $108打卡必點的甜品，現烤窩夫外脆內軟，搭配新鮮士多啤梨與糖粉，簡單卻滿足。濟州柑橘乳酸梳打 $46、清爽爆汁西柚檸檬梳打 $46兩款飲品色彩鮮豔，氣泡感足，飲落酸酸甜甜，可中和炸物油膩感。

今日意外地發現左係SOHO West入面呢間餐廳，户外坐位望到全海景chill爆。雞蛋多過飯的蛋飯捲，真係好多蛋蛋蛋，少飯，食落係蛋香仲有滿口配菜。韓式燉牛肋骨配飯，牛肋骨好腍仲要入晒味，個汁咸中帶微甜，好惹味！玫瑰醬海鮮年糕，呢個係用玫瑰醬去煮，個汁都夠濃稠，仲有青口和大蝦，正！圓碌碌蜜瓜沙冰，望住海景chill住飲，沙冰唔太甜又涼快。飲完唔會手指指餅咖啡，咖啡濃香，上面個手指餅又幾好食喎。比初戀還要甜的蜜瓜窩夫，好靚既窩天呀，有好多蜜瓜，個cream好幼滑，仲有蜜瓜味，窩夫要趁熱食，仲有外脆內軟既口感。另外，仲可以玩遊戲，《Summer Time 夏日陽光遊》用Terrace Passport，蓋印仔換禮品，仲可以參加8間挑戰分店的Game Tour 活動，贏旅遊禮券、限定獎品、優惠卷等等。

之前有去到佢地沙田分店食，今之黎長沙灣呢邊，超靚超Chill 好舒服！我覺得坐幾個鐘都冇問題！慢活人岩哂！之前我最愛嘅係蛋卷飯，今次一樣點蛋卷飯，但點另一款，雞蛋多過飯的蛋卷飯！低卡之選！咪道偏淡，右蛋d麻油香可能更好！玫瑰醬海鮮年糕超岩我，之前我唔鐘意食玫瑰醬，太甜！呢款唔同，唔會甜，好creamy , 排到少少係年糕上面，蝦又足！我最愛！比初戀還要甜的蜜瓜waffle ,果然好甜！近排有summer tour 夏日陽光遊，可以儲印仔玩遊戲，有禮物！

近期在此餐廳的經歷真係令我非常失望。我哋一行七個人，早一個星期已經預訂，當晚提前五分鐘到達，但餐廳竟然安排我哋分開坐，前後兩張四人枱。如果係咁嘅安排，在預約時是否應該先話俾我哋聽需要分枱？好彩我哋向餐廳反映不滿之後，佢哋有幫我哋安排番一張可以坐七個人的大枱。接下來的點餐過程也很慘，我哋點了兩個兒童餐，經過三次催促，最後等了整整一小時，兩位小朋友從七點幾等到八點幾，非常肚餓。整體係食物質素普通，性價比低。絕對唔推薦。

🏝️☀️呢間餐廳啱啱去過，真係好正！🌊🍽️ 環境一流，望住成個海邊，坐低已經feel到勁relax，啲海風吹過嚟好爽，整個人都輕晒，完全無壓力。🌬️🛋️第一道菜我哋叫咗個雞蛋多過飯嘅蛋飯卷🥚🍚，成卷飯都包咗層超滑蛋，口感好creamy又唔會太heavy，食完一啖又想食多啖，啲蛋香keep住飄出嚟～～🤤✨之後，我哋試咗個比初戀仲甜嘅蜜瓜窩夫🍈🧇，真係完全無誇張！窩夫熱辣辣，脆卜卜，上面鋪咗幾舊新鮮蜜瓜🍈，再加埋蜜瓜雪糕🍨，啖啖都係甜蜜幸福感💖，好快清晒成碟！泡菜豬肉炒年糕都唔錯🥓🍳，啲年糕煙韌得嚟夠入味，辣辣地又唔會過火，配埋啲泡菜同豬肉，幾夾，食到最後都唔悶👌🔥。飲品方面，我點咗個圓碌碌蜜瓜沙冰🥤🍈，超級清新，一大杯，飲完成個口都係蜜瓜甜香，消暑一流❄️😋！至於咖啡，「飲完唔會手指指餅」☕️🤣真係形容得好啱，飲落去順滑，唔會苦澀，帶少少堅果香☕️🌰，咖啡控都一定滿意。總括嚟講，呢間餐廳個環境舒服到癲😇，食物又靚又有驚喜🎉，真係hea住chill下嘅首選，下次一定會再返嚟！🙌💯

Weekend同朋友去咗海景餐廳，chill住食午餐☀️～雞蛋多過飯的蛋飯卷 ($138)🐣每件飯卷都好整齊又精緻，好多雞蛋，仲有好多蔬菜，健康又美味😋比初戀還要甜的蜜瓜窩夫 ($138)🍈🧇窩夫熱辣辣、外脆內軟，蜜瓜新鮮清甜，加入蜜糖🍯就更加甜蜜～L.A.牛肋骨 ($198)🥩🐮牛肋骨肉質嫩滑，醬汁調味適中，搭配沙律菜令菜式營養更均衡😍玫瑰醬海鮮年糕 ($96)🦐煙韌嘅年糕配上足料海鮮及creamy玫瑰醬，味道好夾🤤圓碌碌蜜瓜沙冰 ($58)🍈夏天就係要食沙冰🍧！入口清涼消暑，甜度適中，表面擺放咗粒粒蜜瓜，裡面有蜜瓜沙冰，底層係蜜瓜啫喱，值得試試⛱️飲完唔會手指指餅咖啡 ($58)☕️咖啡味道濃郁，入口creamy，配埋手指餅，賣相有啲似tiramisu👍

最新分店登陸長沙灣SOHO West，坐擁無盡海景，搭配濟州柑橘樹裝飾，營造清新度假風！主打創意韓式料理，由爆蛋飯卷到全港首創蜜瓜窩夫，每道菜都IGable又美味，少女心必收藏～🇰🇷 夏日主題活動開跑！消費集齊3個印可換「濟州柑橘特飲」🍊一杯，9個印仲有炸雞🍗送！🔸雞蛋多過飯的蛋飯卷 $138嫩滑炒蛋層層包裹米飯👀，蛋嘅份量多到懷疑人生～配韓式玫瑰醬超邪惡，蛋控必試💛🔸玫瑰醬海鮮年糕 $96粉紅醬汁💖甜辣平衡！八爪魚+大蝦+青口鮮味爆發，年糕Q彈掛汁，海鮮多到驚喜～🔸韓式燉牛肋骨配飯 $138傳統韓味🇰🇷！牛肋骨燉到筷子一夾就散，濃郁醬汁滲透肉絲，拌飯吃瞬間清盤🍚🍈 圓碌碌蜜瓜沙冰 $58🍊 濟州柑橘乳酪 $68蜜瓜冰清甜透心涼，柑橘乳酪酸甜醒胃，杯杯都有果肉～🔸比初戀還要甜的蜜瓜窩夫 $138全港首創✨！窩夫外脆內軟，超香蜜瓜味+冰淇淋，每口都是幸福爆擊💚一齊去享受濟州島度假風與創意韓食，感受海島假期！

由南昌站B出口行過嚟 Soho West幾分鐘、條路有瓦遮頭好易行。行海濱公園吹海風幾寫意，平日下午嚟唔會太多人，望望見到商場樓上有間韓式餐廳、橙色裝修好易認，啱喇係時候上去食tea。坐窗口位見到碼頭就在眼前，面向海灣景觀優美仲聽到海浪拍岸聲、簡直chill到世界盡頭依家正值暑假見餐廳做緊遊戲推廣，有本護照俾客人惠顧後扱印仔，有獎又有優惠禮物等幾吸引，我哋都攞咗本《雞蛋多過飯的蛋飯卷》Egg Gimbap・無改錯名真多蛋捲喺中間兼嫩滑且，青瓜蘿蔔條都唔少，味道清淡覺得幾健康《比初戀還要甜的蜜瓜窩夫》Melon Waffle・食用花造型超靚，窩夫做到外面脆脆哋，倒埋蜜糖落去食甜入心《韓式燉牛肋骨配飯》Rice with Beef Rib Stew・牛肋骨燉得入味，帶脂肪的部份較為軟腍，醬汁傾向甜撈飯食唔錯《玫瑰醬海鮮年糕》Tteokbokki with Seafood in Rose sauce・海鮮有蝦、八爪魚仔、青口等幾豐富，玫瑰醬帶有辣味，配合嚼勁十足嘅年糕好飽肚《圓碌碌蜜瓜沙冰》Melon Smoothie・呢杯除咗多蜜瓜粒、味道帶少少薄荷香幾清新《帶點驚喜的香印提子奶蓋綠茶》G

長沙灣的Terrace in seaside分店由本舍開張以來已食過多次，印象都一直很好。地理位置（9/10）：離南昌站過去也不會太遠能從長沙灣望到維多利亞港欣賞美麗景色, 即使只能欣賞小部分而已, 也實屬少食店能這樣供賞。室內環境（8/10）：韓國cafe應有的寫意用餐裝潢, 地方以至用色(米黃色為主)及梳化都寬敞舒適服務（9/10）：侍應十分有禮，服務亦令人非常滿意, 亦見務求滿足客人的要求食物（8/10）：食品受悉心處理且份量充足，味道一流輕盈又滿足的煙三文魚沙律- $86 ; 朝露玫瑰花茶 - $42 整體評分（9/10）：很chill, 會繼續常幫襯。

這次來到長沙灣嘅Terrace in seaside，體驗超讚韓式料理，必須好好分享！🍴菜品點咗「全日不用思考，簡單又直接嘅兩人套餐」，裡面有秋葵八爪魚沙律、無骨炸雞（半份）、泡菜炒黑毛豬配飯，仲有甜品+$32開心果蜜糖窩夫同飲品～• 芝士無骨炸雞：炸得夠乾身，外皮酥脆，但略嫌芝士味不夠• 泡菜炒黑毛豬配飯：泡菜不夠味，辣到恰到好處，黑毛豬肉質軟嫩• 開心果蜜糖窩夫：窩夫外脆內軟，配上開心果芝士忌廉醬同，甜而不膩，完美收場！飲品叫咗last finger凍咖啡同濟州柑橘乳酪，咖啡香濃提神，柑橘乳酪清新解膩，讚！🏞環境餐廳臨海，落地玻璃視野超級好！白天望住海景歎茶食飯，夜晚燈光一打，氛圍感直接拉滿，無論情侶約會定朋友聚會都好適合～💁‍♀️服務店員態度好親切，貼心服務， 落單上菜都好快手，還主動講解，體驗好舒服～💰性價比兩人套餐原價$418，折扣後$376（含服務費），人均$188食到撐，環境仲咁靚，性價比超高！憑收據仲有平日優惠，下次仲想嚟試其他菜式～總結：想食韓料又想歎海景，呢間絕對係首選！推介大家來試試，包你食得開心又滿足～ 🥳

差评中的差评，只因为服务。这家店的服务员非常明显的歧视大陆客人，来餐厅只要你讲普通话，服务员立马臭脸并且非常不耐烦。点餐的时候就不耐烦，而且还下错单，最后要个打包盒也不愿意给，费半天劲才要到。店里的风格是比较偏年轻化的，服务员也都是比较年轻的，没想到都 2025 年还会有歧视大陆人的现象。菜品的味道只能说中规中矩，没什么特别难吃的也没什么特别好吃的，菜量也不大，饮品稍微有点特色，如果想要过来遭白眼可以前来一试。

雞蛋多過飯的蛋飯卷上次都有食呢款飯卷，叫得雞蛋多過飯，當然雞蛋面積最大， 側邊再加上紅蘿蔔、韓式醃蘿蔔同埋青瓜等其他材料， 調味清淡，但係不失食材本身嘅原味比初戀還要甜的蜜瓜窩夫 ！主題蜜瓜系列嘅窩夫點都要試下， 4塊鬆軟濕潤嘅窩夫，食落唔會乾爭爭， 側邊加咗其他生果伴碟，仲有蜜瓜奶油同埋鮮奶油，真係好香甜韓式燉牛肋骨配飯叫咗一款韓式嘅燉牛肋骨配飯 ，雖然叫做韓式燉牛肋骨，但係其實食落有啲似港式嘅炆牛腩，側邊仲見到啲蘿蔔同埋紅蘿蔔添，少少醬汁已經好夠味，撈埋白飯一齊食啱啱好玫瑰醬海鮮年糕隔咗排冇食年糕，今次就叫咗款玫瑰醬海鮮年糕黎食，入面有大蝦、青口，仲加咗菇同其他材料， 年糕口感煙韌，加上味道香濃既玫瑰醬正好，亦都可以將蛋飯卷沾玫瑰醬一齊食圓碌碌蜜瓜沙冰蜜瓜沙冰放咗幾粒蜜瓜肉點綴， 底下有沙冰同埋啫哩， 翠綠色澤望落好清新，入口亦唔會太甜，比例啱啱好飲完唔會手指指餅咖啡另外一杯揀咗手指餅咖啡，表面有一層忌廉，其實望落去有啲似提拉米蘇，苦澀中帶有忌廉的油脂香，整體口感醇厚

Soho West呢邊既全新商場真係第一次黎, 有我平時成日係元朗分店食既Terrace in Seaside, 而呢間仲有sea view, 可以坐得咁舒服又夠chill, 所以我地都坐低食喇😆1/ 雞蛋多個飯嘅蛋飯卷🍣名副其實蛋多個飯😂薄薄嘅飯面包住厚實嘅炒蛋, 每一啖都食到蛋香, 食完唔會覺得罪過食咗好多碳水😁2/ L.A. 牛肋骨🥩肉嫩多汁既牛肋骨燒得岩岩好, 醬汁味道濃厚, 帶有的甜味, 整件事更加好味🤤3/ 泡菜豬肉炒年糕🐖好有韓風既煮法, 年糕Q彈口感炒得夠惹味, 而豬肉好香口, 兩者配搭得好好👍🏾4/ 比初戀還要甜的蜜瓜窩夫🧇外脆內軟既窩夫, 每一啖都好waffle好有蛋香, 蜜瓜夠甜配埋黎食夠哂清爽5/ 圓碌碌蜜瓜沙冰🍈沙冰質感好順滑, 蜜瓜味道濃郁飲完飲完透心涼, 啱晒呢個夏天飲😊6/ 飲完唔會手指指餅咖啡☕️一杯香濃既咖啡鮮奶, 飲完立即精神晒, 咖啡愛好者一定要試食完發現原來佢地做緊Green Monday既promotion, 係6月份逢星期一點選蜜瓜系列，就送一杯初夏青柑柚子梳打, 抵喎！