影片
更多
2023-03-22
3658 浏览
結婚周年正日，去咗Vista慶祝。呢度嘅前身係Aqua，落地大玻璃，望住成個維港，實在好feel。今晚食嘅係restaurant week dinner menu，同餐廳本身嘅tasting menu差不多，質素的確很不錯！👍🏻🔹Restaurant week Dinner Menu (💰568pp)🔹🔸餐前麵包(7/10)🔸👌🏻🔸 前菜🔸▫️烤八爪魚配萵苣、煙肉及油封薯仔(8.5/10)八爪魚爽口彈牙幾新鮮，萵苣清新，酸酸甜甜好味😋▫️手撕豬肉意大利包(7.5/10)個包軟身有牛油香味🧈上菜時會倒上醬汁，豬肉嫩滑，有肉汁好味道😋🔸Pasta▫️番紅花意式香腸意大利飯(7.5/10)一粒粒腸放喺面，黃色嘅芝士risotto，配搭和味道都不錯。▫️意大利乳酪和菠菜雲呑配西蘭花醬和香草麵包屑(9/10)呢個意大利雲呑好好味！雲呑軟硬適中，配埋個醬，淡淡嘅菠菜同西蘭花味，同芝士乳酪忌廉非常夾，俾多一碟我都食得哂😋🔸 主菜▫️海鱸魚柳配西西里燉菜及檸檬汁(8/10)擺碟單調，擺多少少嘢會好啲🙈個汁同啲燉菜超好味，酸甜味唔會搶咗魚柳嘅鮮味。魚都煎得剛好，皮脆肉滑。▫️蕃茄薑汁烤燻雞(半隻)(8.5/10)先
結婚周年正日，去咗Vista慶祝。呢度嘅前身係Aqua，落地大玻璃，望住成個維港，實在好feel。今晚食嘅係restaurant week dinner menu，同餐廳本身嘅tasting menu差不多，質素的確很不錯！👍🏻
🔹Restaurant week Dinner Menu (💰568pp)🔹
🔸餐前麵包(7/10)🔸👌🏻
🔸 前菜🔸
▫️烤八爪魚配萵苣、煙肉及油封薯仔(8.5/10)
八爪魚爽口彈牙幾新鮮，萵苣清新，酸酸甜甜好味😋
▫️手撕豬肉意大利包(7.5/10)
個包軟身有牛油香味🧈上菜時會倒上醬汁，豬肉嫩滑，有肉汁好味道😋
🔸Pasta
▫️番紅花意式香腸意大利飯(7.5/10)
一粒粒腸放喺面，黃色嘅芝士risotto，配搭和味道都不錯。
▫️意大利乳酪和菠菜雲呑配西蘭花醬和香草麵包屑(9/10)
呢個意大利雲呑好好味！雲呑軟硬適中，配埋個醬，淡淡嘅菠菜同西蘭花味，同芝士乳酪忌廉非常夾，俾多一碟我都食得哂😋
🔸 主菜
▫️海鱸魚柳配西西里燉菜及檸檬汁(8/10)
擺碟單調，擺多少少嘢會好啲🙈個汁同啲燉菜超好味，酸甜味唔會搶咗魚柳嘅鮮味。魚都煎得剛好，皮脆肉滑。
▫️蕃茄薑汁烤燻雞(半隻)(8.5/10)
先用個寶盒拎出黎，香氣撲鼻！烤燻時間恰到好處，隻雞超嫩滑多汁👍🏻
🔸甜品
▫️意大利芝士蛋糕(8.5/10)
客人面前即製，先將咖啡酒倒入手指餅，加入預先發起嘅忌廉，最後撒上可可粉，見佢整得好似好簡單咁，但食落幾好食喎！好味過好多tiramisu!!!
▫️士多啤梨白朱古力撻(8.5/10)
呢個又係好味！士多啤梨味好濃好fresh，士多啤梨脆皮入面係白朱古力雪糕，好正呀！
星期一晚都滿座，真係非常熱鬧！美中不足係佢嘅位置較窄，服務員不停喺狹窄嘅通道行來行去落單傳菜，有時又拎寶盒，有時又整tiramisu，整整吓又要借過俾另一個人行。
總括而言，在如此美景之下，品嚐美食真係享受。呢個restaurant week menu性價比的確超值😋👍🏻
Overall評分: 8.5/10👏🏻
张贴
