WM Café & Bar (海之戀商場)

营业中

休息中

今晚嚟試佢嘅二人套餐，真係有好多嘢食，好多選擇㗎！首先有兩碗忌廉龍蝦湯，佢嘅口感好順滑，龍蝦味好香濃，再加上少少嘅忌廉令到整體嘅感覺更加香滑。前菜方面就有巴馬火腿哈密瓜多士，火腿同哈密瓜當然係最match嘅配搭，火腿嘅鹹香味加上哈密瓜多汁香甜真係好好食。原來佢下面仲加上咗牛油果蓉令到口感更加清新，而多士亦都焗得好香脆，呢個真係好加分，好好食。而主菜方面可以揀兩款，我就揀咗安格斯牛柳配海虎蝦、帶子同時令蔬菜。牛柳可以揀佢嘅熟度，我就揀咗五成，牛柳好重牛味，多汁，好重炭燒味。而蝦亦都好大隻，而且肉質好實好彈牙。而帶子亦都煎得好靚表面香脆而入面又唔會熟佢嘅，擺盤都好靚㖭啊。煮食就揀咗伊比利亞有骨豬扒，配上帶子、青蘋果條同柚子海鹽醬，肉質唔硬，反而好彈牙，而且多汁，呢個大推薦。一上菜嘅時候已經聞到好香炭火味，估唔到配上青蘋果條可以更夾，青蘋果嘅清新令到成個菜式好balance。甜品方面有2款。柚子海鹽朱古力蛋糕，蛋糕嘅表面焗得好酥脆，同時又有淡淡的柚子香味飄出，真係好正呀。另一個係紅莓士多啤梨巴斯克蛋糕，巴斯克蛋糕好軟滑，芝士味好香濃。