影片
更多
2022-06-20
929 浏览
想食哩間人氣川菜好耐了! 趁住父親節帶埋屋企人去試吓😋果然唔錯! 首先餐廳硬件非常好, 位處尖沙咀沿海嘅H centre 18樓, 全餐廳望到180度全維港海景, 個view無得輸! 我地六點去到, 太陽仲未落山, 睇住個黃昏海景打卡, 又唔會反光, 未食已經好興奮😆入黑後餐廳燈光好暗, 基本上每枱得一盞射燈照住張枱, 好浪漫💕兩個人同一家大細都應該好有feel.食物方面哩度主打川菜同北京菜, 我地叫左好幾個招牌菜一試:1. 聖旨到 (涼拌蟶子) - 好特別, 好少見原隻蟶子做前菜. 肉質爽口, 好新鮮, 加埋個微酸嘅汁幾開胃2. 燈映牛肉 - 係超薄版牛肉乾, 好考師傅刀工, 味道辣辣地, 好啱送酒3. 片皮鴨 - 相對比較平凡, 無乜特別, 而且鴨肉有啲乾身. 不過因為上枱前會喺你面前再燒脆層皮, 個皮係好食嘅4. 大紅燈籠高高掛 (炸軟殼蟹) - 餐廳signature dish, 非常高質! 好少中菜會食到軟殼蟹, 佢仲同用川式整法, 加大量紅辣椒一齊炸, 辣得好過癮! 除咗辣個蟹入面好juicy! 份量都好夠, 有8-10大舊, 係熱氣左啲不過必食👍🏻👍🏻👍🏻5. 花椒金湯桂
首先餐廳硬件非常好, 位處尖沙咀沿海嘅H centre 18樓, 全餐廳望到180度全維港海景, 個view無得輸! 我地六點去到, 太陽仲未落山, 睇住個黃昏海景打卡, 又唔會反光, 未食已經好興奮😆入黑後餐廳燈光好暗, 基本上每枱得一盞射燈照住張枱, 好浪漫💕兩個人同一家大細都應該好有feel.
食物方面哩度主打川菜同北京菜, 我地叫左好幾個招牌菜一試:
1. 聖旨到 (涼拌蟶子) - 好特別, 好少見原隻蟶子做前菜. 肉質爽口, 好新鮮, 加埋個微酸嘅汁幾開胃
2. 燈映牛肉 - 係超薄版牛肉乾, 好考師傅刀工, 味道辣辣地, 好啱送酒
3. 片皮鴨 - 相對比較平凡, 無乜特別, 而且鴨肉有啲乾身. 不過因為上枱前會喺你面前再燒脆層皮, 個皮係好食嘅
4. 大紅燈籠高高掛 (炸軟殼蟹) - 餐廳signature dish, 非常高質! 好少中菜會食到軟殼蟹, 佢仲同用川式整法, 加大量紅辣椒一齊炸, 辣得好過癮! 除咗辣個蟹入面好juicy! 份量都好夠, 有8-10大舊, 係熱氣左啲不過必食👍🏻👍🏻👍🏻
5. 花椒金湯桂花魚 - 失望. 價錢最高但係份量唔多, 魚太熟唔夠滑. 湯ok不過唔特別.
6. 咸肉津白 - 最特別係個賣相, 疑似有雕花😂 味道正常, 偏淡左少少
7. 辣子雞 - 今晚VIP! 應該係我食過最好食嘅辣子雞😍出面一般都係肉好少, 骨出奇地多, 哩度最抵讚係所有雞肉都用雞柳, 完全無骨! 而且炸到金黃色, 肉質又juicy, 加埋剛好嘅調味, perfect match!👍🏻👍🏻👍🏻👍🏻👍🏻
8. 蟹肉蛋白炒飯 - 食左咁多辣野叫個唔辣嘅炒飯中和下. 好有驚喜, 飯炒得乾身之餘食到啖啖蟹肉, 高質！
Overall食物質素唔錯, 加埋個靚景, 600蚊一個人都可以接受, 我會推介大家去試下😋
张贴
