影片
更多
2025-05-24
166 浏览
泰誇張．HKU附近水準隱世泰菜！作為一個食勻港九新界嘅美食博主，最近，我帶一位內地朋友個女去食飯，呢位妹妹好叻女，今年剛入讀HKU。諗住帶佢試吓HKU附近既地道嘢食，最後揀咗間HKU附近嘅泰國菜——「泰誇張」妹妹食到「泰」有驚喜嘅一餐冬陰公湯：酸香醒胃，蝦肉彈牙到「泰」過分第一道上的就係我每次食泰菜必點嘅冬陰公湯。一上枱就聞到陣陣香茅同檸檬葉嘅香氣，湯內有2隻厚肉鮮蝦！適合2人分！蝦肉爽脆彈牙，一食就知係新鮮貨。湯底酸辣度平衡得剛剛好，有種溫柔嘅刺激感。保留到傳統風味。妹妹飲第一啖就雙眼發光，話同內地飲到嘅「改良版」完全唔同！黃咖哩軟殼蟹：香甜濃郁，連蟹殼都「泰」好食平時食開青咖哩多，今次試吓黃咖哩軟殼蟹，一上枱就知揀啱咗——成隻炸到金黃嘅軟殼蟹「騎」喺咖哩上面，咖哩汁香甜得嚟帶微微辛辣，用咗大量椰漿同雞蛋去煮，質地濃稠到可以掛住每件蟹肉。最正係連殼都可以食，炸得酥脆又索滿咖哩汁，撈飯真係無得輸。泰式腰果雞丁：鑊氣十足嘅「白飯殺手」呢道菜絕對係驚喜之作！平時腰果雞丁食得多，但佢哋嘅版本加入咗泰式煮法，鹹香中帶點清新。雞丁嫩滑唔柴，腰果保持脆口仲帶微微焦香，最加分係加咗炸香嘅芋頭絲，增加
作為一個食勻港九新界嘅美食博主，
最近，我帶一位內地朋友個女去食飯，
呢位妹妹好叻女，今年剛入讀HKU。
諗住帶佢試吓HKU附近既地道嘢食，
最後揀咗間HKU附近嘅泰國菜——「泰誇張」
妹妹食到「泰」有驚喜嘅一餐
冬陰公湯：酸香醒胃，蝦肉彈牙到「泰」過分
第一道上的就係我每次食泰菜必點嘅冬陰公湯。
一上枱就聞到陣陣香茅同檸檬葉嘅香氣，湯內有2隻厚肉鮮蝦！
適合2人分！蝦肉爽脆彈牙，一食就知係新鮮貨。
湯底酸辣度平衡得剛剛好，有種溫柔嘅刺激感。
保留到傳統風味。妹妹飲第一啖就雙眼發光，
話同內地飲到嘅「改良版」完全唔同！
黃咖哩軟殼蟹：香甜濃郁，連蟹殼都「泰」好食
平時食開青咖哩多，今次試吓黃咖哩軟殼蟹，
一上枱就知揀啱咗——成隻炸到金黃嘅軟殼蟹「騎」喺咖哩上面，
咖哩汁香甜得嚟帶微微辛辣，
用咗大量椰漿同雞蛋去煮，
質地濃稠到可以掛住每件蟹肉。
最正係連殼都可以食，炸得酥脆又索滿咖哩汁，撈飯真係無得輸。
泰式腰果雞丁：鑊氣十足嘅「白飯殺手」
呢道菜絕對係驚喜之作！
平時腰果雞丁食得多，但佢哋嘅版本加入咗泰式煮法，鹹香中帶點清新。雞丁嫩滑唔柴，腰果保持脆口仲帶微微焦香，
最加分係加咗炸香嘅芋頭絲，增加咗層次感。
妹妹話呢個味道好特別，大陸好少見！
泰式炒飯：肉鬆海量到「泰」誇張
主食點咗招牌泰式炒飯，上枱時成座小山咁高，
面頭鋪滿粉紅色嘅肉鬆，仲有切絲蛋皮同青瓜粒做點綴。
飯粒炒到粒粒分明，鑊氣十足，仲落咗少許香茅碎，
食落有淡淡東南亞風情。最誇張係肉鬆多到每啖飯都食到，
甜甜哋咁同炒飯出奇地夾。
餐廳：泰誇張
地址：西環石塘咀德輔道西390A號地舖
张贴
