Apinara

营业中

休息中

今日約左d舊同事係金鐘食午餐，朋友介紹去左Apinara, 話佢性價比高，坐得又舒服，而且仲係我最鍾意嘅泰國菜添。由於係套餐好多野食，包括湯，沙律，主菜，甜品，飲品湯嘅選擇有2個，泰式冬陰公同埋椰子雞湯，冬陰公酸辣味剛剛好，入面嘅蝦仲好新鮮彈牙，而椰子雞湯好香好濃，飲完好開胃。雜菜沙律個樣好靚，d菜仲好新鮮，加埋南瓜，蕃茄仔，真係好望到都覺得開心。主菜係泰式豬肉炒金邊粉，佢用左芽菜，肉，蛋，豆腐乾等嘅材料去炒，份量啱啱好，仲好有泰國風味。朋友揀左黃咖喱炸雞飯，咖喱飯好香，而炸雞好鬆脆，非常惹味！