泰金鍋

营业中

休息中

Hotpot ingredients 火鍋配料 🍲火鍋嘅湯底有七至八款選擇，今次叫咗特色嘅惹味冬陰功鍋🌶️同埋養生菇菌清湯鍋🍄，冬陰功鍋味道好Creamy又夠辣😍，配料方面有廣泛嘅選擇，好似係澳洲牛小肩🇦🇺、濃郁嘅澳洲草字羊肉🍖、美國產肉眼🇺🇸、爽口彈牙嘅蟹籽墨魚滑🦀、啲都唔煙韌嘅牛舌、多款菇類、新鮮嘅蔬菜🥬同埋丸類，真係相當豐富Appetiser & Cooked food 前菜、熟食前菜同埋熟食都充滿泰國特色，包括有香脆可口嘅蝦餅🦐、脆卜卜嘅炸魚皮🐟、特色蝦春卷🌯、濃厚嘅榴槤炸彈，自助沙律包就有得自己拎fresh 嘅泰式沙律🥗、墨魚菠蘿炒飯🦑、正宗冬陰功湯、滑嫩嘅海南雞🍗、雜錦咖喱等，好廣泛啊！Beverages & desserts 飲品、甜品 🍰除咗有平時都有嘅汽水🥤、果汁🍹、酒品類之外，仲有清涼嘅香茅水、泰式奶茶同埋泰式奶綠茶🍵，好有驚喜又好飲😋，另外有三款時令水果、朱古力布朗尼🍫、泡芙，不得不提嘅係半個鐘會新鮮出爐一次嘅椰汁西米糕🥥同埋勁高質嘅椰汁斑蛋糕🌴，兩款嘅椰汁味都超級香濃，想食嘅朋友記得準時去攞啦