TERA (寶發大廈)

营业中

休息中

今日到訪法國藍帶師傅🇫🇷主理嘅甜品小店《TERA》，雖然呢到主打梳乎厘同班戟等甜品，但主食、沙律、飲品都好出色👍🏻餐廳門面以米白色為主，設戶外座位，可以Chill住坐；室內有一排高凳，可以透過大玻璃睇到餐廳外雖然座位唔多，但座位闊落；配上簡潔木系日式設計，仲有圓形日式燈籠，感覺滿滿和式文青風✨金箔Nutella 疏乎厘班戟第一次嚟呢到，梗係要試吓佢最主打嘅金箔Nutella 疏乎厘班戟🥞疏乎厘灑上金箔，加埋Nutella醬，同金莎朱古力脆脆，賣相高貴奢華震抖抖嘅疏乎厘好鬆軟嫩滑，好似食緊「雲」咁樣，又充滿蛋香，濃濃Nutella朱古力味，同脆脆嘅花生碎；Zaza仲加咗兩球雲呢拿雪糕，稍稍中和濃郁嘅味道✨明太子蟹肉扁意粉呢到嘅主食都好高質，特別推薦佢嘅明太子蟹肉扁意粉🍝 蟹肉、蟹籽、明太子 同意粉都分量十足，蟹肉少咸、蟹籽脆卜卜、明太子醬好Creamy，每條意粉都沾滿到明太子醬✨日本漢堡扒炒蛋飯漢堡扒好厚身，口感軟嫩又Juicy，加上海量嘅木魚片，滿滿日和風；炒蛋嫩滑，好香，加埋日式肉汁同珍珠米，一試難忘✨蟹籽蟹肉沙律蟹籽蟹肉同樣足料，沙律菜新鮮爽口🥗，配上蜜蜂乳酪醬汁，酸甜清新✨蜜桃柚