Odelice! (PopCorn 1)

假日睇完戲，經過呢間餐廳接近滿座，於是入去試吓。二人餐包一人一個湯，一個前菜，兩個主菜，一個甜品。🫕湯配麵包，湯較淡而無味，需自行落鹽，另跟兩塊包略嫌有點硬，並非脆口。🦪前菜係煮蜆，味道濃郁，唔辣，小朋友都啱食。🐂主菜揀咗牛扒及帶子意大利飯，牛扒叫七成熟，但上碟接近九成熟，略嫌有筋需要咀嚼耐一點。意大利飯則十分入味，但略嫌帶子過鹹。🍦甜品揀咗白色可麗餅，pancake皮鬆軟，上面有一個雲呢拿雪糕，仲會加入燒過嘅酒淋上面，非常特別。總括而言，食物正常，性價比唔算高及未至於好好食，未必會再次光顧。