泰樂小排檔

营业中

休息中

復活節有幾日假期， 約左朋友出去旺角行街食飯。餐廳係油麻地，主打泰國菜。我哋叫左幾款食物, 泰式冬蔭功湯, 材料豐富, 有兩隻大蝦, 秀珍菇等蔬菜，有非常多香料，味道酸辣濃郁, 十分開胃。泰式排骨湯麵，排骨份量好多，炆得軟腍入味，湯底濃郁。泰式炒金邊粉, 金邊粉炒得乾身唔油膩, 口感煙韌, 大蝦爽口, 加入芽菜, 蝦米, 豆乾等配料等, 酸辣開胃。另外, 泰式蝦餅炸得香脆, 蝦肉好彈牙，配埋泰式辣醬食，十分惹味。最後叫左泰式檸檬茶，甜度適中，茶味香濃。