1%$回赠
，最特色喺地下嘅花砖同墙身嘅牌仔装饰，有啲怀旧风。食物选择，一张A4呎吋餐牌就罗列晒所以菜式，由沙律、香脆小食、惹味时蔬、泰式咖喱、泰乐招牌菜、泰式汤品、泰式粉面、泰式甜品……等等，可谓麻雀虽小，五脏俱全，够多样化。饮品方面，除咗一啲港式饮品之外，就仲有多款特色沙冰同泰式饮品。本来好想饮沙冰，但今晚竟然无，都唔紧要，泰式特饮都有好多选择。顺带一提，呢度唔收加一架，赞
！
泰式蝶豆花梳打特饮加青柠 $28、泰式龙眼冰 $28
近来天气酷热，先嚟两杯冻饮。朋友未试过蝶豆花喺乜嘢嚟，就试试看。其实蝶豆花无咩味，但亮点喺倒落梳打度会变成紫色，令卖相变得梦幻漂亮，加咗新鲜青柠汁，佢就话入口好清爽。小弟就稍稍偏爱龙眼冰，贪其清润，而一边饮住冻饮，一边食住啲辣嘢，喺几过瘾。泰式猪颈肉生菜包 $88平常会拣个泰式沙律嚟先开开胃，今见有生菜包喺配猪颈肉，反而想试吓佢。从餐牌所见，佢都已有个火焫焫标记，原来，又真喺几有辣劲，但包咗生菜食，就几有减辣效果，再者，啲猪颈肉似用烧烤方式制作，有焦香感，切得厚薄均一，口感爽爽哋，又带有少少油脂香，别具风味。虎虾青咖喱 $128+薄饼 $20向来泰式咖喱都有一手，又红、又黄、又青，亦讨唔少人欢心，配虎虾，再衬一份薄饼就最好不过。啲咖喱汁推得真喺几唔错㖞，辛辣唔呛喉，又渗出微微香料味，啲虎虾食落好爽口，喺嫌份量唔多食得唔够喉；咖喱内仲有啲猪红同豆角，而薄饼本身做得好有牛油香，再沾上咖喱当然更加好食。Happy Thai 排骨船面配金边粉 $88用得店名作为菜式起头，必然喺招牌嘢，单睇名字以为就咁喺碗排骨汤粉，嚟到先喺有种震撼感，大大嚿火山排骨实在够霸气，再伴有好多炸猪皮，立时变得好泰式，此外，仲有啲肉丸、通菜，喺一道非常丰富嘅汤粉。而排骨好好味，肉质松化，猪皮嗦满汤汁，好食，再者，汤头浓香不腻，差啲就饮光晒，金边粉亦好滑溜。小店越夜越多人，而且，有唔少外卖单，几时都话，食物做得好，有实力就唔怕无生意。总结而言，食物嘅性价比高，招呼又好，食堂感觉，轻松自在。…Read More
