Pici

营业中

休息中

知道PICI剛剛登錄沙田新城市廣場便馬上去試試，去到門口外藉接待員一面不俏樣子，可能剛剛俾上司鬧完，對顧客問題總是黑面以對。The attitude of the receptionist is so so bad.入到去帶位嘅待應態度就好好多，仲問我地嘅口味再推介菜色，仲建議點樣點餐會比較化算。而我地被安排到Open Kitchen前面，可以睇住我地叫嘅野烹調出來。咁我地跟住佢嘅意見點左兩個意粉之後，好快就送上餐前飽點，佢亦都額外送上一碟Parma Ham，可能因為餐廳繁忙時間而免得我地要等太耐都未有野食。第一碟來到嘅係松露意粉Tagliolini，呢一個意粉係素食、無肉之選。意粉上嘅黑松露碎再加上面頭舖滿著黑松露片，令到松露嘅味道充滿住整碟意粉，而意粉嘅質感係我個人最欣賞嘅地方，不會太稔而且帶點彈牙，十分特別。第二個意粉係千層麵Classic Lasagna。厚厚嘅芝士加上茄醬，加上剛剛出爐嘅溫度，熱辣辣咁放入口，香氣充斥口腔，一啖接一啖停不了啊！雖然係Reception遇到比較服務態度差嘅接待員，內進後嘅服務同食物質素都將佢一蓋而過，將來有機會都會再去試試其他意粉。