京林屋 (希慎廣場)

营业中

休息中

今日食tea 去咗京林屋，食咗三樣嘢，兩甜一咸，分別係一個抺茶冷麵、抹茶蕨餅和焙茶芭菲。抹茶泠面就不過不失啦，啲面就一定冇抹茶味啦，個汁都係普通冷麵汁，啲菇唔係特別有味。講返個甜品啦！個焙茶芭菲真係想唔到咁好味，不過個焙茶雪糕球就有啲細囉，下面係用雲呢拿雪糕做底。個雲呢拿雪糕唔係唔好味不過我會想有多啲焙茶雪糕囉。佢仲有兩粒小丸子同埋焙茶啫喱同紅豆，啲料都幾足架。嚟到京林屋唔係唔食抺茶甜品呀嘛所以我叫咗個抺茶蕨餅抺茶味濃，不過怕苦嘅朋友可以落黑糖中和味道或者覺得唔夠抺茶味嘅朋友可以落抺茶粉，會更好味！不過我個人認為佢啲抹茶唔係好夠濃我下次來都會選擇食甜品，因為比較出色。