京林屋 (希慎廣場)

本身諗住晏晝3點幾食少少野，點知入到去見到主食又唔小心叫咗～🍵抹茶紅豆牛奶忌廉味道正常，唔會太甜太膩🍜稻庭麵配京式蝦餅蝦餅有驚喜，厚身同彈牙嘅，唔會炸到會油冧冧～湯底偏咸，麵嘅質感有咬口🍜抹茶蕎麥麵（冷）並沒有抹茶味，同平時食嘅普通蕎麥麵無分別，但好適合夏天食🍨特製林屋抹茶餡蜜見佢好似咩都有啲就叫咗黎試下（抹茶雪糕，抹茶蕨餅，抹茶啫喱，紅豆蓉，白玉，寒天）啲白玉好煙韌，唔會好冧，啫喱食落都好有抹茶味，落埋黑糖一齊食令到成碗野無咁單調～整體黎講都係甜品同野飲最吸引，如果係商場行到攰入去食個雪糕飲杯野都係推薦嘅🙈…查看更多

在銅鑼灣附近行逛, 選擇了希慎廣場的這間餐廳。這次點了兩個餐。魚餅烏冬湯頭清甜，魚餅彈牙；蝦餅烏冬蝦味濃郁，口感豐富。最後的抹茶麻糬蛋糕茶香甘醇，配以冰涼的抹茶雪糕與綿密紅豆蓉，冷熱甜香交織，滋味令人難忘。🍵😋…查看更多

在銅鑼灣附近行逛, 選擇了希慎廣場的這間餐廳。這次點了兩個餐。魚餅烏冬湯頭清甜，魚餅彈牙；蝦餅烏冬蝦味濃郁，口感豐富。最後的抹茶麻糬蛋糕茶香甘醇，配以冰涼的抹茶雪糕與綿密紅豆蓉，冷熱甜香交織，滋味令人難忘。🍵😋 餐廳環境舒適，洋溢日式簡約風格。服務親切周到。…查看更多

overall唔錯嘅 不過以呢個價錢有更多嘅選擇如果銅鑼灣嘅話via tokyo會比京林屋更出色我食咗兩個甜品：1 ：焙茶黑糖珍珠脆米雪糕 $58 ⭐️⭐️⭐️⭐️焙茶味好突出 同時又唔會有浸苦澀嘅味道好食過抹茶好多，好抵食！不過唔係好食到黑糖味2 ： 抹茶芭菲 $88 ⭐️⭐️抹茶雪糕有啲苦澀 同埋雪糕溶得好快食到最尾個雪糕變咗水咁對比起焙茶黑糖珍珠脆米雪糕 真係爭好遠唔係好抵食～服務態度唔係幾好不過環境都唔錯 坐得好舒服氛圍都幾好 覺得自己係日本咁…查看更多

行過銅鑼灣 突然好想食蕎麥麵 之後就上網搵咗呢間日式餐廳 本身以為佢淨係食抹茶甜品 點知原來都有正餐食 就入咗去試京式鰻魚飯 $128 配自選茶 葡萄煎茶一送到過黎就有好香嘅鰻魚味 味道尚可 喺香港食鰻魚算係好食😋呢個餐包咗自選茶 今次揀咗葡萄煎茶 佢係一set連埋茶具一齊上 茶具入面有個葡萄味嘅茶包 自己加熱水飲 開頭聞落係好重提子味 但係味道上冇乜提子味 之後經過兩次泡茶 就飲到淡淡嘅提子味道 幾特別🍵抹茶蕎麥麵 $78冇乜抹茶味 但面嘅顏色係抹茶色 正常野 而且份量啱啱好 天氣熱 食一個凍嘅蕎麥麵可以降溫 都係一個好嘅選擇總結: 煎茶好特別 必試🤓可以京林屋都係主打抹茶甜品 下次有機會會試…查看更多

京都過江龍，位於銅鑼灣希慎廣場12樓一間日式和風料理餐廳—京林屋，主打各款精美日本地道甜品類食物，當中以抹茶類別最為受歡迎，抹茶控絕對不能錯過🍵 而餐廳上亦提供特色和食，例如抹茶蕎麥麵、牛肉丼、燒鰻魚定食等，以至提供各種抹茶熱茶飲等都一應俱全～ 今次被佢哋甜品menu吸引，點選左兩款唔同配搭既抹茶雪糕，第一款配上紅豆白玉，口感煙靭；而另一款配上黑糖珍珠、脆米等，層次感豐富～ 而抹茶唔會太甜或者太苦，味道剛剛好，推介比鍾意食抹茶嘅朋友😋…查看更多

京都宇治擁有百年歷史嘅茶屋，主打手作抹茶同埋一系列嘅茶甜品，包括蕨餅、芭菲等，另外仲有日式定食、烏冬、蕎麥麵等輕食用手機掃QR code自行落單❛ 特濃抹茶雪山 matcha snow mountain ($98)都幾大個真係好似成座山，口感濃郁細膩，抹茶香味幾濃，入口即化，齋食唔甜，但旁邊有抹茶糖漿可以自行淋上，加埋甜度就恰好冰底下藏有其他配料 - 紅豆蓉、白玉、啫喱，好豐富面頭有一球抹茶雪糕，唔太甜，茶味都濃但唔回甘，作為抹茶控我就覺得唔夠濃呢個價錢好合理❛ 焙茶芝士蛋糕 hojicha cheesecake ($88)芝士蛋糕口感順滑，烤焙香味較淡唔回甘，蛋糕份量較小旁邊有雪糕、小丸子、紅豆蓉焙茶雪糕較甜，無烤焙香氣奶味較重—ʜᴋᴅ $100-200 𝗉𝗉 𝙧𝙚𝙨𝙚𝙧𝙫𝙖𝙩𝙞𝙤𝙣𝙨: no𝙧𝙚𝙫𝙞𝙨𝙞𝙩? maybe𝙤𝙫𝙚𝙧𝙖𝙡𝙡: 7/10—📍 京林屋 Kyo Hayashiya銅鑼灣軒尼詩道500號希慎廣場12樓1203號舖…查看更多

照燒雞扒飯 $78Supermarket 日式急凍雞肉串味道鰻魚飯 $138有魚腥味 又係Supermarket 急凍收加一更加係不知所謂 咁嘅服務態度應該我收返佢員工嘅服務態度懷疑係倒米不過餐廳配樂幾好你會聽到微波爐叮一聲 不如轉自助微波爐叮 免收加一咁就慳埋啲人手啦咁嘅價錢同加一同食💩冇分別賺成倍 笑到傻 唔怪得之可以喺希慎開咁耐😁…查看更多

❣️最愛嘅抹茶甜品店，食過咁多間抹茶都係覺得呢間最好食😋 呢間係京都有過百年歷史嘅抹茶老店，主打手作抹茶同埋一系列嘅抹茶甜品，包括有抹茶蕨餅🍡、林屋抹茶芭菲🍨、特濃焙茶🫖等，另外仲有日式定食、鰻魚飯、烏冬、蕎麥麵等輕食🥢位置係希慎廣場美食廣場上一層，唔算非常多人排隊👀留意堂食有設最低消費，每個人需叫一款甜品或飲品🙌🏻🌟特製林屋抹茶餡蜜 $98 必食推薦，一系列嘅抹茶餡蜜、紅豆白玉、蕨餅、蒟蒻、配上甜甜嘅黑糖加抹茶雪糕，非常滿足🤩 抹茶蕨餅非常出色👍🏻👍🏻👍🏻🌟 林屋蕨餅三點盛配自選茶 $98 一次過可以試到抹茶蕨餅、紅豆白玉、抹茶雪糕，自選茶葉有6款以上，茶香味濃…查看更多

上去希慎廣場買嘢，因為晏晝食得太飽，夜晚想食啲清啲，所以去京林屋試吓，其實成日都經過見到好似只食甜品，原來佢都有正餐食…..以為店裏都好日式，但都請唒d譚仔三哥嗰啲阿姐咁😂😂but anyway 咪冇所謂啦食嘢姐😂佢安排咗個卡位俾我哋, 但要縮低個頭先入得，好古怪呢個位…..好易整親個頭😆叫左個牛肉烏冬和冷麵，兩杯凍抹茶沙冰，兩個麵食清清地唔錯，沙冰又唔錯好有綠茶味，本來想食雪糕但係下午已食咗一次唔再食，下次可能淨係入去食杯甜品雪糕啦⋯⋯整體感覺上唔錯嘅…..…查看更多

呢間店服務奇差無比，甜品也無任何特色。夥計「西」面待客，仲熄燈趕人走。上次同朋友食完飯打算食甜品，冇留意呢間舖嘅關門時間。入咗去叫完嘢一上菜個女人就用好差的態度要我哋馬上埋單，仲熄燈迫人五分鐘內要食完。呢間嘢永遠不要再幫襯。如果仲有五分鐘就關門，唔該唔好再俾客入嚟，收得客入嚟，最少都俾人15分鐘食啦，一上菜便要人走真係好過份。就算嗰日唔夠數都唔駛咁玩人，我哋一行8人，每人叫一份，食冰冇可能咁快食完，落單時又唔講就快關門，食物到咗先講，不知所謂。…查看更多

間唔中都會嚟呢間店吃抹茶雪糕甜品，今日叫了珍珠抹茶軟雪糕，$58加一，用手機下單。份量不少的抹茶軟雪糕底下有珍珠、cream和脆米，還有一小杯黑糖漿。 抹茶雪糕很夠那份綠茶香味和茶的微苦味，味道很正，珍珠夠冧，脆米夠脆，很美味的一杯雪糕甜品。…查看更多

同靚女行街行到攰就去咗京林屋食雪糕🍦飲杯茶🍵傾下偈～大家都不約而同揀了芭菲🍦配蘋果玫瑰煎茶🍵雪糕茶味ok，但不是濃味帶甘果種。反而煎茶比較特別，聞到蘋果香氣，亦品嚐到少許果酸味😋*･゜ﾟ･*:.｡.☻.｡.:*･☆･*:.｡. ☻.｡.:*･゜ﾟ･*😋#kellydiscovery_food 🫶🏻#kd_food_cwb🫶🏻#kd_food_銅鑼灣#銅鑼灣美食 #銅鑼灣餐廳 #銅鑼灣酒吧 #銅鑼灣打卡 #打卡餐廳…查看更多

抹茶迷絕對會鍾意，冰淇淋同雪糕個味係一樣，一個硬一個軟，同樣好濃茶味，好正。冰淇淋個底係啫喱，好滑，加埋一齊食，增強口感。雜薈就抵食，咩都有，一次滿足所有願望，貴啲，$98。杯茶雖然講明係甜，但真係甜咗啲。…查看更多

端午節前夕，放工心血來潮走到銅鑼灣崇光 shopping 物色新衫過生日！ 想到希慎廣場食晚餐，自己一個人好彈性，食什麼都可以呀！隨時改變又可以呢！ 一於走到久違了的 <京林屋> 啦！久不久就來幫襯！發現通關後，平日晚上 8:00 後，店內就會 full！ 想不用等位的話， 最好 8:00 前入座！:)最近再幫襯，店方已轉了以 QR code 落單，所以，枱面連餐牌都無，店員亦慳番落單時間及避免落錯單！餐牌金目鯛定食 $88包括：醃漬、飯、麵豉湯、金目鯛金目鯛魚入口甜美又肥美！飯呈淺啡色，第一口覺得滲出茶味，埋單問店員才得知，店方以焙茶煲飯， 口味清新，我卻嫌淡味，把麵豉湯撈飯食，除了可減淡麵豉湯略為重口味之外，飯亦有點鹹味更開胃！麵豉湯好熱之餘，還有點重口味！醃漬是醃白蘿蔔，令人開胃又解膩！抹茶芝士蛋糕 $88 店方推介挺身又細件的芝士蛋糕味道微鹹微甜，滲出抹茶甘味；抹茶雪糕很快做溶化了！甘味比甜味突出！稻庭麵 $68這是幼身的直麵條，軟硬適中；配上兩塊魚蛋及鳴門卷，湯底清而夠味！:)焙茶卷蛋 $88 店方推介焙茶卷蛋配上焙茶雪糕，海綿蛋糕質感鬆軟，入口甜美，茶味輕滲， 焙茶忌廉濃郁回甘，兩粒白玉則煙韌無味！讚岐烏冬 $68跟稻庭麵一樣，同樣配上兩塊魚蛋及鳴門卷，湯底一樣！讚岐烏冬份量充足，入口煙韌掛湯，比較稻庭麵口感更勝一籌！抹茶軟雪糕配抹茶啫喱 $58食客自行以 QR code 落單，可要求即上或後上，由於天氣轉涼了！還是即上，讓軟雪糕溶化些少，我才食，就不覺得太凍吧！:)就算我食完碗麵，雪糕的確溶化些少，卻是入口仍然頗凍！抹茶軟雪糕口味甘中帶甜，完全蓋過抹茶啫喱的味道；如果飲水清一清味蕾，才可嚐得出抹茶啫喱的茶味濃郁！質感軟身！…查看更多