火五越式牛肉粉專門店 (其昌樓)

营业中

休息中

早前曾到訪呢間越南餐廳，覺得佢大件夾抵食，當然要再次幫襯啦。由於防疫關係，沒有堂食，所以叫左外賣拎返屋企慢慢食。小店食物的水準沒有因為外賣而變質，依然好味。今次叫左4樣野食:法式咖哩牛肋撈檬 ($58)咖哩好香, 牛肋肉又炆得好淋, 檬粉份量十足, 配上檬粉醬汁, 十分醒胃。炸軟殼蟹撈檬 ($58)軟殼蟹入口有驚喜，不單只炸到脆卜卜，而且調味更可口。同樣，檬粉份量十足，加上醬汁酸酸甜甜，真係yummy yummy. 手作大蝦米紙卷 ($38)每件小卷都包住大蝦一隻，十分足料！香茅雞翼(4件) ($22)雞翼炸剛剛好，唔會太乾，十分juicy！依家外賣自取, 仲有8折優惠。真係十分抵食。