影片
更多
2011-09-28
39 浏览
上星期師傅午餐時被迫出席一個政治飯局, 悶就不特止, 最重要係唔飽呀嘛, 師傅最討厭就係又要悶又要食唔飽, 所以當食完個政治飯後, 師傅都仍是肚空空, 感覺相當可憐!好唔容易捱到夠鐘, 終於可以離開監房了, 呢個時候當然係第一時間去醫肚啦, 師傅去到老銅, 好想食車仔麵, 只可惜係師傅唔多覺有其他選擇, 喺冇得揀又好想食嘅情況下, 師傅還是入左黎呢間食店! 師傅一向對呢間食店印象麻麻, 皆因覺得貴爽唔抵, 不過是次都要做一次水魚, 鬼叫自己想食咩! 於是一坐底就攞張紙係咁圈, 師傅就圈左辣味豬皮, 辣味豬紅, 豬腸同牛肚, 配上辣汁同埋幼麵! 其實師傅食黎食去都係嗰幾味, 真係好鬼專一同長情! 等左一陣就有得食, 先試下個湯底, 湯底幾濃幾辣, 嗰舊辣膏真係有啲料, 幾鬼惹味; 再試下辣味豬皮, 豬皮都幾參差, 有啲好爽口, 有啲勁腍身, 口感唔得, 而揀辣味因為想啲豬皮更入味和更辣, 呢一點食店算係做到, 不過都唔算好辣; 而豬紅就好實, 唔滑身, 有少少黏口, 而且都唔辣, 唔算得; 豬腸都炆得好入味夠腍身, 是次水準比之前的好; 最後係牛肚, 牛肚賣相極差, 好似中左幅射咁, 唔
好唔容易捱到夠鐘, 終於可以離開監房了, 呢個時候當然係第一時間去醫肚啦, 師傅去到老銅, 好想食車仔麵, 只可惜係師傅唔多覺有其他選擇, 喺冇得揀又好想食嘅情況下, 師傅還是入左黎呢間食店!
師傅一向對呢間食店印象麻麻, 皆因覺得貴爽唔抵, 不過是次都要做一次水魚, 鬼叫自己想食咩! 於是一坐底就攞張紙係咁圈, 師傅就圈左辣味豬皮, 辣味豬紅, 豬腸同牛肚, 配上辣汁同埋幼麵! 其實師傅食黎食去都係嗰幾味, 真係好鬼專一同長情!
等左一陣就有得食, 先試下個湯底, 湯底幾濃幾辣, 嗰舊辣膏真係有啲料, 幾鬼惹味; 再試下辣味豬皮, 豬皮都幾參差, 有啲好爽口, 有啲勁腍身, 口感唔得, 而揀辣味因為想啲豬皮更入味和更辣, 呢一點食店算係做到, 不過都唔算好辣; 而豬紅就好實, 唔滑身, 有少少黏口, 而且都唔辣, 唔算得; 豬腸都炆得好入味夠腍身, 是次水準比之前的好; 最後係牛肚, 牛肚賣相極差, 好似中左幅射咁, 唔得囉; 至於幼麵就煮得幾好煙煙韌韌, 冇鹼水味, 唔錯!
總括黎講車仔麵嘅質素唔合格, 環境一般, 其間有好多高空轟炸機, 衛生程度真係麻麻, 服務就冇咩, 價錢超勁貴, 樣樣都係八蚊, 四餸一麵, 埋單就要四十蚊, 最重要師傅都係唔太飽! 師傅真係好想知老銅邊度會有出色嘅車仔麵呢? 可以等師傅多幾個選擇, 其實師傅前後都試左好多次, 亦比左好多次機會呢間食店, 可惜苦無進步和驚喜, 師傅真的十分失望, 所以喊臉一定要比, 亦好肯定永冇下次!
张贴
