新記美食

营业中

休息中

🔥瑞士汁雞翼：入味非常 肉質嫩滑瑞士汁雞翼絕對係呢碗車仔麵嘅亮點！雞翼煮得入味非常，瑞士汁嘅甜香完全滲入雞肉裡面，每一啖都充滿濃郁嘅醬香。最難得嘅係，雞翼嘅肉質依然保持嫩滑，完全唔會過老。雞翼嘅大小亦恰到好處，唔會太細隻食唔到肉，又唔會太大隻影響入味。表皮帶少少焦香，咬落去先甜後鹹，味道層次豐富。建議一定要趁熱食，感受雞翼最完美嘅狀態！🔥豬腩肉：肥瘦均勻 入口即化豬腩肉嘅表現同樣出色！切得厚薄適中，肥瘦均勻，肥肉部分入口即化，完全唔會覺得油膩；瘦肉部分則保持嫩滑，完全唔會乾柴。最正係佢哋嘅豬腩肉經過長時間炆煮，肉質軟嫩得嚟又保持到應有嘅口感。豬腩肉嘅調味亦恰到好處，帶有淡淡嘅五香同醬油香氣，同湯底嘅鮮甜形成完美配搭。每一啖都充滿肉香，絕對係食肉獸嘅最愛！

呢間車仔麵小食不嬲都好多人食，價錢嚟講唔算太平，不過喺香港呢一區已經好出名同埋好多人食，今日就去食吓，之前都幫襯過好多次，服務態度正常唔會話太好，價錢就係$50/3個餸再加一個面，份量唔算多，覺得男仔正常食唔會飽，豬紅嘅味道非常入味，而且辣辣地令人覺得非常開胃，我同朋友都非常鍾意食佢嘅豬紅，另外鍾意食佢嘅瑞士汁雞翼亦都非常出色，每一份有兩隻，豬大腸亦都做得唔錯，唔會有任何異味，可惜就係份量比較少，如果唔係就非常OK！

今日同朋友行過諗住好耐冇幫襯新記，入去懷緬一下，嗌咗個三餸麵，我見到條八爪魚笑咗出嚟。條可憐嘅八爪魚鬚俾千刀斬斬到變八爪魚粒。個湯底有啲洗碗水味，可能係對筷子影響因為筷子有漂白水味，魚蛋亦冇乜特別。呢碗嘢$50不如去食X仔過橋米線。我朋友嗰碗仲搞笑，佢叫腩肉啲腩肉白雪雪剩係得肥膏，我見佢掉晒，佢仲叫咗四餸加買嘢飲$70。覺得可惜的是銅鑼灣老店越來越少競爭激烈，只有做出好味道才可以留低。佢呢個價錢呢個質素簡直係自尋死路。

只可以講超級嬲15/12中午去到…當時入面冇乜人…一行到入去阿姐就話坐底點野啦，雖然語氣一般，但我都冇乜野既，習慣左車仔檔啲人，係冇乜禮貌，我ok既我同女朋友都係點三餸面，我揀左中辣，女友揀小辣好啦咁等左一陣就上菜，一睇到確野，我呆左，我淨係見到啲湯同極少量既餸…然後我用匙撩起啲河粉…你地睇到既河粉就係得咁多，我食左4小啖…食哂！啲餸少，算…我都明銅鑼灣租貴，宜家物價貴，比少啲粉，我理解，但河粉呢啲唔值錢既野，比咁少？老實講，如果我要食呢碗野食到飽，起碼要3碗…啲河粉少到似係施捨比乞兒…仲有一樣野，我係叫中辣，女友叫小辣，但個啲辣醬，我女友個碗又多過我個碗喎…係咪好神奇呢？😂食到一肚氣，完全唔飽…（2成飽），仲要係碗野麻麻地…出面大把好食過佢多多聲唔建議正常人去食…我自己亦唔會再食呢間垃圾

蘿蔔豬頸肉鴨腎 粗麵 。成碗野好鹹 ，蘿白好似浸咗好耐、 豬頸肉好老好鹹、鴨腎都麻麻 食咗半碗放棄⋯ 點解咁鹹都有人食 … 只係夜晚9點幾行過肚餓 所以先試下⋯⋯⋯⋯$50蚊黎講 唔合格。鹹到要過隔離超市買支礦泉水飲⋯⋯⋯⋯如果$50醫肚 可以食其他更好選擇 開咗咁多年⋯無諗過會係咁。……………………………………………………………………………….

無食半年新記，一試點知大退步，食物水平退步左，秘製豬腩肉得番死鹹味，另外本來食平野都無咩要求，預左無咩服務可言，但啲夥記講野半 半咸半淡咁聽唔明， 落錯曬啲單，疑似老闆又坐喺出面油油閒，成日得閒出去食煙都唔幫手，一副唔食就擺咁嘅副，以後不去了

超級垃圾！！！勁多大陸人去食，唔知係咪社交媒體網站介紹。首先一張細圓枱坐起碼八個人，全部人攬住個袋咁食，空間好細，食得好唔舒服。啲店員係好混亂，拎住杯凍檸茶問返啲客「邊個嘅？」，啲客自己舉手搶嘢飲有客見到好耐都未落單，就拎張單出去俾佢，佢話返個客轉頭，叫個客坐返低如果唔係唔知道枱號。態度差勁，感受到老闆娘（應該係）完全唔care啲客。重點我叫三餸，冇一樣餸好食！全部餸係同一個味，鹹到⋯⋯誠意 = 0！冇影相廢事晒storage。

個腩汁湯底好甜甜到怪怪地。啲豬紅冇咩味，豬腸冇咬口好爛，可能會有人中意，但唔岩我口味。價錢正常，唔算待別貴。麵底分量麵夠，整體除左味道，其實都冇咩問題。但應該冇下次。

我哋嗌咗三餸 仲加咗個豬皮個豬皮幾惹味蝦加埋啲咖喱汁 佢味道係好食，但真係完全食唔飽 份量勁少 攞嚟做下午茶可能咁上下 女仔應該都要加底 佢個咖喱汁幾嘢味下 但腩汁就比較清少少

車仔面來說 不是什麼好吃 又貴又少食材 大家看我上載的圖片 這就接近 $100了 搵鬼吃吃份量也收得貴 食材只是普通的那種 服務極度差勁 服務真心真心差 靠什麼明人圖片才活著 白痴的才吃 真心

叫咗鹵水汁雲南米線、咖哩魚蛋、鹵水雞中翼、唐生菜，竟然嚟咗辣味，同佢講只係換返些湯，但依然係辣，畀錢嘅時候同收銀（疑似老細）講：明明叫唔辣點解會辣？佢話：係囉，邊個比辣你呀？我話：佢係咪加咗一羹辣油畀我呀？佢竟然回覆：點解會加咗羹辣油畀你呀？我話：唔怪得知香港食肆趕客啦，佢再回覆：係囉，香港食肆趕客囉！與同區返工朋友講，佢都話試過叫外賣明明叫唔辣又係比左辣，費事落去更換，要自己不停換清水減辣，冇再幫襯。另外同其他朋友講，有話有啲食肆特登畀辣你等你叫嘢飲，哈哈，我就係冇再中伏，特登唔再叫嘢飲，不再有下次！

呢間嘢啲侍應態度差，問少少嘢都求其答，又唔耐煩。我叫咗個3餸(咖哩魚蛋，豬皮，牛筋，米粉）咖哩魚蛋口感剛剛好，都ok 好食嘅，豬皮好爽口，牛筋煮得太軟，米粉無脹，唔會浸到淋哂，軟哂。個湯就一般，如果選擇中辣會好辣（我本人都食得幾辣）， 都係建議BB辣好了。叫3餸都食唔飽，平時係其他車仔麵店叫3餸都會食得好飽，份量有啲少。以$50黎講唔算平，仲要食唔飽。一陣風就食完。如果唔係其求快食，呢間車仔麵唔會係我嘅首選。

➲ 銅鑼灣 新記美食➳ 滷水汁雲南米線配咖哩魚蛋/墨魚丸/白菜仔 ⁽⁵/¹⁰⁾丸類各5粒，細細粒，墨魚丸粉多啲，墨魚偏少，咖哩魚蛋有1粒深色幾入味，其他未滷夠入味，都係粉感重，無咗搬鋪前嘅水準。⤵ 新記美食銅鑼灣謝斐道501-515號4號舖#hkfood #hkrestaurant #hkcafe #cafehk #hk #hkfoodie #hkfoodblogger #hkcoffee #hkcoffeeshop #coffeeinhongkong #cafeholic #foodblog #foodblogger #foodreview #香港美食 #香港食評 #銅鑼灣美食 #雲南米線 #咖哩魚蛋 #墨魚丸

員工要講國語先明白，衛生差 ，老細串，幫襯咗幾十年 ，老細話幾十年保持著同一質素 無人投訴筷子油衛生差，唔會有人詐型， 筷子黐立立 ，一拎上口全都係漂白水味道，好心提員工，但串七七，問佢攞對木筷子要收一蚊 ，第二個員工話收2元，四個餸七十幾蚊店舖呃遊客生意香港人不要再嚟最後一次來，

知道新記好出名以前都有食過 到最近再去食 真係嚇親兩個餸45蚊 如圖所示麵底其實已經好少 餸既份量都好少 我係個女仔食完就覺得唔夠飽平時已經唔係話食好多男仔朋友話要食兩碗先飽因為佢地個碗本身已經好細個係個湯底叫比較好味d個辣味豬紅都幾好食明白銅鑼灣租金比較貴 競爭都好激烈但唔介意收貴小小但起碼返呢個價錢既質素先 下次唔會再食了仲有個插曲 個男仔朋友叫左微辣 但食食下覺得唔對路佢地好辣咁諗住叫d姐姐比多小小湯個姐姐都有幫我地換個湯底所以大家下次去食 如果食唔到辣就唔好挑戰啦l