影片
更多
2022-08-12
147 浏览
雪山冰廳喺深水埗已經屹立超過60年，係唔少街坊嘅飯堂，除咗懷舊食物之外亦加入新派創意菜式，店外經常都有人排隊！第一次到訪，星期日兩點幾門口仍然有人龍，不過等10幾分鐘就入到🙆🏻♀️初訪梗係要試吓招牌菜式，當中亦不乏抵食下午茶餐，性價比好高😍🔸始祖椒鹽豬扒飯始祖果然名不虛傳！椒鹽豬扒肉質非常鬆軟，炸得好入味，而且切成條狀更容易入口。炒飯底微辣夠鑊氣，炒得粒粒分明但唔會太乾身，配椒鹽豬扒一齊食每一啖都好豐富🔸避風塘生炸髀配紅豆冰打俾一上枱真係大到嚇一跳！大型炸髀表皮香脆肉質嫩滑但唔怕油膩，上面鋪滿炸蒜食落去好香口，必食之選😍🔸榛子醬西多士傳統西多士嘅變奏版，包中間有榛子醬，配合上面熱溶牛油同糖漿，邪惡得來每一啖味道都好融合，係一個唔錯嘅甜品🔸經典芝蛋牛肉漢堡港式漢堡用上簡單材料已經好好味，呢個漢堡用上芝麻包，夾住芝士煎蛋同埋手打牛肉漢堡扒，醬料同肉汁嘅配搭好正！
第一次到訪，星期日兩點幾門口仍然有人龍，不過等10幾分鐘就入到🙆🏻♀️初訪梗係要試吓招牌菜式，當中亦不乏抵食下午茶餐，性價比好高😍
🔸始祖椒鹽豬扒飯
始祖果然名不虛傳！椒鹽豬扒肉質非常鬆軟，炸得好入味，而且切成條狀更容易入口。炒飯底微辣夠鑊氣，炒得粒粒分明但唔會太乾身，配椒鹽豬扒一齊食每一啖都好豐富
🔸避風塘生炸髀配紅豆冰
打俾一上枱真係大到嚇一跳！大型炸髀表皮香脆肉質嫩滑但唔怕油膩，上面鋪滿炸蒜食落去好香口，必食之選😍
🔸榛子醬西多士
傳統西多士嘅變奏版，包中間有榛子醬，配合上面熱溶牛油同糖漿，邪惡得來每一啖味道都好融合，係一個唔錯嘅甜品
🔸經典芝蛋牛肉漢堡
港式漢堡用上簡單材料已經好好味，呢個漢堡用上芝麻包，夾住芝士煎蛋同埋手打牛肉漢堡扒，醬料同肉汁嘅配搭好正！
张贴
