韓脈 (帝國中心)

营业中

休息中

網上見到好多介紹話呢間位於尖東帝國中心嘅韓國餐廳-韓脈(之前叫韓珍)好得，就同朋友放工去食下～餐廳係正宗韓國人經營，所以成個佈置都好有feel，老闆同店員都好nice，野食都未叫，枱上已經放滿唔同種類嘅前菜～兩個人叫左個「八方美人」套餐，老闆推介嘅招牌菜之一，除咗有鮑魚同大蝦🦐之外，重有牛舌👅、雪花肥牛🐂、豬頸肉🐷、護心肉、豬肩肉、雞肉🐔、菇、南瓜同翠玉瓜添，真係睇見都流口水，超級豐富～落單後老闆送左碟鐵板蛋餅俾我地🍳熱辣辣而且好香，貌相同美道都正😍平時同朋友食韓燒，主要都係我負責燒，基本上係勁忙，又要食又要吹水又要怕燒得太過火，根本就無好好享受過餐飯，但係呢到，店員竟然會係客人面前燒肉，唔洗擔心唔夠火候/過晒火候，重會經常換鐵板添，佢地嘅專業令我好放心，可以有時間好好享受每一款肉嘅味道～就係咁都已經值得食啦～另外加多左個牛肉石鍋伴飯，首先店員會幫我地落韓式辣醬撈起左個飯，然後再分一人一碗，真係好細心呀～牛肉飯熱辣辣而且好香口，韓式辣醬令個飯更加惹味，令人上穩食到停唔到口😍韓脈#天天飲食_尖沙咀#天天foodies 評分：8/10 #韓脈 #韓國燒烤 #韓燒 #韓珍 #牛肉石鍋伴飯 #