影片
更多
2024-03-06
85 浏览
今次我地去到灣仔食呢間潮州中菜館，佢個裝修都好有中國風，舖頭有大細枱，有卡位，適合唔同人數黎食🪭呢度既店員服務值得一讚，坐底就立刻送上熱茶餐牌，用餐中途舉手搵人加水同埋點餐都好快有人招呼，枱面有張濕紙巾，有紙巾又係我要表揚既時候🤣滷水鵝肉 （例 $138）我地叫左一個例牌，比想像中大碟，鵝肉色水好靚，肥瘦均勻，滷水汁好入味，鹹度剛好，鵝肉下面仲有大約7-8件豆腐，豆腐雖然係配菜，同樣出色，食落好滑口，豆腐味好出👍🏻汕頭煎壕烙 （$108）簡單黎講即係蠔餅，呢個餸菜我私心推介必食，因為係我食過最足料最大碟既蠔餅 一上菜已經好香，賣相好吸引，唔會油淋淋，個皮炸到一忽忽咁，食完都冇罪惡感，而且蠔仔好新鮮，配埋魚露食真係無得頂呀😌普寧豆腐 （$98）未食過所以試一試，上菜熱辣辣，相信係即叫即整，外脆內暖，豆腐好滑好嫩，配搭埋秘製醬汁，都好特別😋沙茶牛肉炒粿條 （$148）呢個餸菜以前係潮州食過，一試難忘，估唔到呢度有，即刻叫黎試試，食完覺得完全無失望，牛肉切成大大塊既簿片，肉質鮮嫩多汁，沙茶醬唔會太鹹，炒埋粿條同菜都炒得好均勻，好食🤩反沙芋頭 （$128）係潮州既特色甜品，我都好鍾意食，但好少
呢度既店員服務值得一讚，坐底就立刻送上熱茶餐牌，用餐中途舉手搵人加水同埋點餐都好快有人招呼，枱面有張濕紙巾，有紙巾又係我要表揚既時候🤣
滷水鵝肉 （例 $138）
我地叫左一個例牌，比想像中大碟，鵝肉色水好靚，肥瘦均勻，滷水汁好入味，鹹度剛好，鵝肉下面仲有大約7-8件豆腐，豆腐雖然係配菜，同樣出色，食落好滑口，豆腐味好出👍🏻
汕頭煎壕烙 （$108）
簡單黎講即係蠔餅，呢個餸菜我私心推介必食，因為係我食過最足料最大碟既蠔餅 一上菜已經好香，賣相好吸引，唔會油淋淋，個皮炸到一忽忽咁，食完都冇罪惡感，而且蠔仔好新鮮，配埋魚露食真係無得頂呀😌
普寧豆腐 （$98）
未食過所以試一試，上菜熱辣辣，相信係即叫即整，外脆內暖，豆腐好滑好嫩，配搭埋秘製醬汁，都好特別😋
沙茶牛肉炒粿條 （$148）
呢個餸菜以前係潮州食過，一試難忘，估唔到呢度有，即刻叫黎試試，食完覺得完全無失望，牛肉切成大大塊既簿片，肉質鮮嫩多汁，沙茶醬唔會太鹹，炒埋粿條同菜都炒得好均勻，好食🤩
反沙芋頭 （$128）
係潮州既特色甜品，我都好鍾意食，但好少地方有得食而且整得好食。呢間餐廳整得好出色、即叫即整，芋頭相當鬆軟，鍾意食芋頭既朋友一定要試試🥰
呢間餐廳我食完覺得好正，如果想做孝順仔，記得帶屋企人黎食，質素高既中菜真係唔多，呢間係其中一間👏🏻
张贴
